Page Text
________________
ज्ञाताधर्म
कथाङ्गम्
||३०४ ॥
आहारत्तएत्तिकट्टु, इमं च एयारूवं अभिग्गहं अभिगिण्हेत्ता णं पोंडरीगिणीए पडिनिक्खमति २ पुव्वाणुपुव्विं चरमाणे गामाणुगामं दूइज्माणे जेणेव थेरा भगवंतो तेणेव पहारेत्थ गमणाए ।। सूत्रं १५० ।।
तते णं तस्स कंडरीयस्स रण्णो तं पणीयं पाणभोयणं आहारियस्स समाणस्स अतिजागरिएण य अइभोयणप्प-संगेण य से आहारे णो सम्मं परिणमझ, तते णं तस्स कंडरीयस्स रण्णो तंसि आहारंसि अपरिणममाणंसि पुव्वरत्तावरत्तकालसमयंसि सरीरंसि वेयणा पाउब्भूया उज्जलाविला गाढा जाव दुरहियासा पित्तज्जर-परिगय-सरीरे दाहवक्कंतीए यावि विहरति, तते णं से कंडरीए राया रज्जे य रट्टे य अंतेउरे य जाव अज्झोववन्ने अट्टदुहट्टवसट्टे अकामते अवस्सवसे कालमासे कालं किच्चा अहे सत्तमाए पुढवीए उक्कोस-काल- ट्ठिइयंसि नरयंसि नेरइयत्ताए उववणे, एवामेव समणाउसो ! जाव पव्वतिए समाणे पुणरवि माणुस्सए कामभोगे आसाएइ जाव अणुपरियट्टिस्सति जहा व सेकंडरीए राया ॥ सूत्रं १५१ ॥
तते णं से पोंडरीए अणगारे जेणेव थेरा भगवंतो तेणेव उवागच्छति २ थेरे भगवंते वंदति नम॑सति २ थेराणं अंतिए दोच्वंपि चाउज्जामं धम्मं पडिवज्जति, छट्ठखमण-पारणगंसि पढमाए पोरिसीए सज्झायं करेति २ जाव अडमाणे सीयलुक्खं पाणभोयणं पडिगाहेति २ अहापज्जत्तमितिकट्ट पडिणियत्तति, जेणेव थेरा भगवंतो तेणेव उवागच्छति २ भत्तपाणं पडिदंसेति २ थेरेहिं भगवंतेहिं अब्भणुन्नाए समाणे अमुच्छिते ४ बिलमिव पण्णगभूएणं अप्पाणेणं तं फासुएसणिज्जं असणं ४ सरीरकोट्ठगंसि पक्खिवति, तते णं तस्स पुंडरीयस्स अणगारस्स तं कालाक्कतं अरसं विरसं सीयलुक्खं पाणभोयणं आहारियस्स समाणस्स पुव्वरत्तावरत्त-काल- समयंसि धम्मजागरियं जागरमाणस्स से आहारे णो सम्मं परिणमति, तते णं तस्स पुंडरीयस्स अणगारस्स सरीरगंसि वेयणा पाउब्भूया उज्जला जाव दुरहियासा पित्तज्जर - परिगय- सरीरे दाहवक्कंतीए विहरति १ ।
तसे पुंडरी अणगारे अत्थामे अबले अवीरिए अपुरिसक्कार परक्कमे करयल जाव एवं वयासी- णमोऽत्यु णं अरिहंताणं जाव पत्ताणं णमो थेराणं भगवंताणं मम धम्मायरियाणं धम्मोवएसयाणं पुव्विपि य णं मए थेराणं अंतिए सव्वे पाणातिवाए पच्चक्खाए जाव मिच्छांदसणसल्ले णं पच्चक्खाए जाव आलोइयपडिक्कंते कालमासे कालं किच्चा सव्वट्ठसिद्धे उववन्ने, ततो अनंतरं उव्वट्टित्ता महाविदेहे वासे सिज्झिहिति जाव सव्वदुक्खाणमंतं काहिति २ ।
अ. १६
पाण्डुमथु
निवस
पाण्डव
दीक्षा
सू. १३३-१
॥३०४ ॥
| SR No. | 600272 |
| Book Title | Gnata Dharmkathangasutram |
| Original Sutra Author | Jinendrasuri |
| Author | |
| Publisher | Harshpushpamrut Jain Granthmala |
| Publication Year | |
| Total Pages | 320 |
| Language | Sanskrit |
| Classification | Manuscript & agam_gyatadharmkatha |
| File Size | 9 MB |