Page Text
________________
॥१३१॥
दुविहे पनत्ते, तंजहा-अगारविणए अणगारविणए य, तत्थ णं जे से अगारविणए से णं पंच अणुव्वयातिं सत्त सिक्खावयाति एक्कारस उवासगपडिमाओ, तत्थ णं जे से अणगारविणए से णं पंच महव्वयाई, तंजहा-सव्वातो पाणातिवायाओ वेरमणं सव्वाओ मुसावायाओ वेरमणं सव्वातो अदिन्नादाणातो वेरमणं सव्वाओ मेहुणाओ वेरमणं सव्वाओ परिग्गहाओ वेरमणं सव्वाओ राइभोयणाओ वेरमणं जाव मिच्छादंसबसल्लाओ वेरमणं, दसविहपच्चक्खाणे बारसभिक्खुपडिमाओ, इच्चेएणं दुविहेणं विणयमूलएणं धम्मेणं अणुपुब्वेणं अट्ठकम्मपगंठीओ खवेत्ता लोयग्गपइट्ठाणे भवंति, तते णं थावच्चापुत्ते सुदंसणं एवं वदासी-तुब्मे णं सुदंसणा! किंमूलए धम्मे पन्नते?, अम्हाणं देवाणुप्पिया! सोयमूले धम्मे पन्नत्ते जाव सग्गं गच्छति ।
तते णं थावच्चापुत्ते सुदंसणं एवं वदासी-सुदंसणा! से जहा नामए केइ पुरिसे एगं महं रुहिरकयं वत्थं रुहिरेण चेव धोवेज्जा तते णं सुदंसणा! तस्स रुहिरकयस्स वत्थस्स रुहिरेण चेव पक्खालिज्जमाणस्स अस्थि काइ सोही?, णो तिणढे समढे, एवामेव सुदंसणा! तुब्भपि पाणातिवाएणं जाव मिच्छादसणसल्लेणं नस्थि सोही जहा तस्स रुहिरकयस्स वत्थस्स रुहिरेणं चेव पक्खालिज्जमाणस्स नत्थि सोही, सुदंसणा! से जहा णामए केइ पुरिसे एग महं रुहिरकयं वत्थं सज्जियाखारेणं अणुलिंपति २ पयणं आरुहेति २ उण्हं गाहेइ २ त्ता ततो पच्छा सुद्धेणं वारिणा धोवेज्जा, से णूणं सुदंसणा! तस्स रुहिरकयस्स वत्थस्स सज्जियाखारेणं अणुलित्तस्स पयणं आरुहियस्स उण्हं गाहितस्स सुद्धेणं वारिणा पक्खालिज्जमाणस्स सोही भवति?, हंता भवड़ एवामेव सुदंसणा! अम्हंपि पाणाइवाय-वेरमणेणं जाव मिच्छादसण-सल्लवेरमणेणं अस्थि सोही, जहा वा तस्स बीयस्स रुहिरकयस्स वत्थस्स जाव सुद्धेणं वारिणाम पक्खालिज्जमाणस्स अस्थि सोही ४।
तत्थ णं से सुदंसणे संबुद्धे थावच्चापुत्तं वंदति नमंसति २ एवं वदासी-इच्छामि णं भंते ! धम्म सोच्चा जाणित्तए जाव समणोवासए जाते अहिगयजीवाजीवे जाव पडिलाभेमाणे विहरइ, तए णं तस्स सुयस्स परिव्वायगस्स इमीसे कहाए लट्ठस्स समाणस्स अयमेयारूवे जाव समुष्पज्जित्था-एवं खलु सुदंसणेणं सोयं धम्मं विप्पजहाय विणयमुले धम्मे पडिवन्ने, तं सेयं खलु मम सुदंसणस्स दिढेि वामेत्तए, पुणरवि सोयमूलए घम्मे आघवित्तएत्तिकट्ट एवं संपेहेति २ परिव्वायगसहस्सेणं सद्धिं जेणेव सोगंधिया नगरी जेणेव परिव्वायगावसहे तेणेव उवागच्छति २ परिवायगावसहंसि भंडनिक्खेवं करेति २ धाउरत्तवत्थपरिहिते पविरलपरि-ब्वायगेणं सद्धिं संपरिवुडे परिव्वायगावसहाओ
| SR No. | 600272 |
| Book Title | Gnata Dharmkathangasutram |
| Original Sutra Author | Jinendrasuri |
| Author | |
| Publisher | Harshpushpamrut Jain Granthmala |
| Publication Year | |
| Total Pages | 320 |
| Language | Sanskrit |
| Classification | Manuscript & agam_gyatadharmkatha |
| File Size | 9 MB |