________________
द्वितीयः परिच्छेदः
चन्द्रप्रमस्वामि चरित्रम् ॥३१७॥
तत्थागमिअ निसिम्मि निवआसा चोरिऊण ते वलिआ। तंडाहिवेण दिट्ठा ते सव्वे मारिआ तत्थ ॥ २५ ॥ वणिअसुओ नस्संतो धचा अह बंधिऊण गोसंमि । नीओ रायउलिमि कहि पि य दंडिणो तेण ॥ २६ ।। अह तह चेअ उविट्ठो राया दोवारिएण विण्णत्तो। तंडाहिवेण चोरो आणीओ वारि चिइ ॥ २७॥ तं सोऊण निवेणं हंहोऽमच्चा ! अपुव्वरीईए। चोरो कदत्यणिज्जो ईय भणिय विसज्जिओ मंती ॥ २८ ॥ सइवेण वि सट्ठाणं गच्चा सो पुच्छिओ जणद्धिक्खो । किं चोरियमेएणं ! सो जंपइ राउला आसा ॥ २६॥ ईय कहिए सो मंती नियमज्जाजुअलदुक्खिओऽभक्खिं । दोहिं चिय कण्णाहिं चोरं परिणावियं भणइ ॥३०॥ रे।रे। अज्जप्पभिई अकुणंतो चोरिअं समज्जाहिं । घरवासं पालिस्ससि जइ न तुम तो विमारिस्सं ॥३१ ।। वीहाविऊण एवं सइवेणं सो वि विसजिओ चोरो । गमिऊण रायपासे विण्णत्तो चोरवित्तंतो ॥ ३२॥ तं सुणिय निवो कुविओ जंपइ सइवा ! विआरवंझो सि । चोरं विणासजोग्गं जं एवं तं सुहीकरसि ॥३३॥ अह विण्णवेइ मंती न तहा दुक्खी विणासिओ सामि !। जह भज्जाजुयदमिओ अहं व सो दुक्खिओ निच्चं ॥३४॥ नरयदुहा अवि अहियं दुक्खं मण्णेमि दुण्हमज्जाण । ईय जुत्तउ ति पुव्वं राया संबोहिओ तेण ॥ ३५॥ अह सो चिंतइ चोरो एवं कटरि मुणिदाणमाहप्पं । मारिजंताणं ताणेको छुट्टोम्हि जं पुव्वं ॥ ३६ ॥ पच्छा निवेण माराविओ वि अइकोवपज्जलंतेण । जं मुचि अमच्चेणं हत्था परिणाविओ अहयं ॥ ३७॥ जुयलं ॥ किञ्च-अहं जइ चोरि रायण्णं भंजिऊण य करिस्सं । ता मं मंती कुविओ मारिस्सइ नत्थि संदेहो ॥ ३८ ॥
कामकेतुकथान्तर्गता भावनादाने वणिक्सूतकथा।
॥३१७॥
