________________
चन्द्रप्रमस्वामि
द्वितीया परिच्छेदः
चरित्रम्
॥३१६॥
उवरिद्विआ य पिच्छिय वारछिद्देहिं चिंतइ गओ त्ति । उग्धाडिऊण वारं अक्कोसंती तओ धाया ॥११॥ धरिअ भुयं एगं सा मंति ताणेइ उड़यं जाव । ता पायंमि वि एगे धरिउं तमहो पिया अहरा ॥ १२ ॥ ताहिं भुयपाएहिं ताणिज्जतो अहो य उ च । मंती गच्छइ परिपुण्णपुण्णरहिओ व्व जीवगणो ॥ १३ ॥ ताणिज्जंतो वलहीखरफरिसविहियखसरोही । सो उवरिमाइ नीओ उड़ खंतीइ जीवो व्व ॥ १४ ॥ नेहुच्चावचवयणं रयणिं वोलाविऊण सो तत्थ । पहिरिअ कंचुयमंगे गओ य गोसंमि रायउले ॥१५॥ सीअं विणा वि लक्खण ! सेअकरो कीस कंचुओ अंगे १ । ईय पुढे रण्णा सो एमेइत्तुत्तरं देइ ॥ १६ ॥ परिभाविऊण रण्णा हासकए मंतिकंचुओ खित्तो । हसिओ सहाइ वयणेण सो चमक्काविओ मंती ॥ १७ ॥ इतश्च
अस्थि णयरम्मि तंमि वणिअसुओ जयचोरिअपसत्तो । निकालिओ पिऊहिं रोगिअकरहो व्व उंटवालेहिं ।। १८॥ सो वि रसो व्व रसाणं मिलिओ चोराण तारिसो जाओ। तेहिं समं लुटतो हिंडइ गामाणुगामेण ॥ १६ ॥ सो एगो वणियसुओ जोग्गं चौराण बाहिरठिआण । गहिअ धणेहिं भोयणमह णयरा सो उ बाहुडिओ ॥ २० ॥ तेण य साहू दिट्ठो भिक्खडं पुरवरंमि वच्चंतो। तो वंदिओ अ दूरा हिअए एअंधरितेण ॥ २१ ॥ चत्ता मयाइ पियरो दुप्पुत्तेणं तहेव जिणधम्मो । धम्मोवएसकहगा गुरू वि हा ! केरिसो होमि १ ॥२२॥ सयलाकिच्चगणाणं पायच्छित्तं व देमि ता दाणं । ईय भावणाइ दिण्णं दाणं साहुस्स एएण ॥ २३ ॥ अह वंदिऊण साहुं वणिअसुओ सो गओ जहिं चोरा । भोत्तु ते सव्वे वि हु-संपत्ता तो पुरिमज्झम्मि ॥ २४ ॥
कामकेतुकथान्तर्गता भावनादाने वणिक्सुतकथा।
॥३१६॥
