________________
चन्द्रप्रमस्वामि चरित्रम्
द्वितीयः परिच्छेदः
॥२७३॥
पुण्ये मदनसुन्दरकथा।
अणेण भक्खभोज्जेहिं, तित्तेणुच्छेइया अहं । ईय पुब्वाइ ईसाए, छुहाइ गहिओ दढ॥२०॥ रहाहिरूढो आइचो, सिग्धं सिग्धं पयाइ सो । उच्चभूमीए पाएहिं, मंद मंदं निवो उण ॥२१॥ चलिऊण खणं सिग्धं, भवित्त संमुहो रवी । केरिसी से मुहच्छाया, इईब्ब तं विलोअए ॥ २२ ॥ तओ राया विचिंतेइ, हा ! मया केरिसं कयं । अन्नरज्जस्स संदेहे, चत्तं रज्जं नियं पिह॥२३॥ पुण्णं मे सकयं अत्थि, न वेत्ति को वियाणई । एयं मृढत्तणं जायं, जं चत्तं रज्जमप्पणं ॥ २४ ॥ अह संदेहदोसेण, वलित्ता गम्मए पुरं । तओ बालो व्व लोयाणं, हासट्ठाणं हविज्जए ॥ २५ ॥ तओ जं होइ तं होउ, गंतव्वं परदेसए । भंजेयव्यो य पुण्णमि, अत्थि नथि त्ति संसओ ॥ २६ ॥ इय निच्छिऊण राया, गामस्सेगस्स अंतिए । महासरस्स पालीए, परिस्संतो पसुत्तओ ॥ २७॥ सव्वदुक्खाण वीसामो, निद्दा तस्स समागया । मुच्चा रायं खणं दूरे, ठिया भुक्खा समो वि य ॥२८ ।। आलिंगिऊण निदाए, पुणो छुहाइ अप्पिओ। उडिओ तो निवो हत्थपाए पक्खालए सरे ॥ २६ ॥ कहं मे भोयणं होही, इय चिंताउरो निशे । गओ गामसमीवळे, चउरए जणाउले ॥३०॥ तस्स बहिडिओ गामलोयाणिच्छापयंपियं । सुणंतो कोउहल्लेण, पमोयभरमागओ॥३१॥ तो गामेयगलोगा ते, तियलोगस्स कच्चडं । काऊण उठ्ठिया एकसरयं परिसाइया ॥ ३२॥ पुध्वं निस्सरिउकामा, सव्वे विं समगं तओ। पिलिज्जमाणा अन्नोन्नं, आखुडंति पति य ॥ ३३ ॥
॥२७३॥
