________________
चन्द्रप्रभस्वामि चरित्रम्
द्वितीयः परिच्छेद
॥२७॥
स्वामिपूर्वभवः।
एसा इत्थी सहावेण, चवलत्तणमागया। डिंभरूवाणि कंतं च, विसुमरित्तु सव्वहा ॥ २७ ॥ मज्जा अन्नस्स संजाया, चडयस्स पमोयओ। ईय कोहममत्तेसु, दिट्ठ कामस्स जंभियं ॥२८॥ धिद्धी संसारवासंमि, जीवा अन्नोनवेरिणो। रज्जविज्जाधणाईयं, न सहंति परोप्परं ॥ २६ ॥ तहेव चवला लच्छी, सरीरंचवलं जहा । तहा इत्थी गिहत्थाणं, अन्नमन्नं रमेइ सा ॥ ३०॥ ता परिहरिउं जुत्तो, संसारो कूडसायरो । कलत्ताइ परं सव्वं, धम्मो जीवस्स अप्पणो ॥ ३१ ॥ ईय एवं निवे जच्चवेरग्गखणमागए । आगओ तुरियं तस्थ, सीहो उज्जाणपालगो॥३२॥ अह सो पउमं राय, विनवेइ कयंजली । उज्जाणे देव ! संपत्तो, एगो सूरी जुगंधरो ॥ ३३ ॥ तओ राया सयं चेव, वेरग्गदिसिमागओ। सुच्चा पुणो य सूरीणमागयं हरिसं गओ ॥ ३४॥ सहाजणेण तेणेव, सडि उद्वित्त भूवई । सहिओ रायवग्गेण, सामग्गीमंडिएण य ॥३५॥ अंतेउरजणेणावि, कुमाराण गणेण य । पुरिलोगाण कोडीहिं, सव्वओ परिवारिओ ॥ ३६ ॥ हत्थिघंटाटणकारसद्दनिवेइआगमो । तुरंगमखुरक्खुण्णधूलीसंछनआयवो ॥ ३७॥ सव्वसामग्गिवित्थडजियसुरिंदडंबरो। पत्तो उज्जाणभूमीए, गइंदा उत्तेरइ सो ॥ ३८ ॥ मज्झमि पविसंतो य, इय साहू स पासई । के वि सुत्तं पढंता य, के वि अत्थवियारिणो ॥३६॥ कुणंता के वि कीकम्म, वेयावच्चं तहा परे । दुक्कडासणबंधेण, चरंता अवरे तवं ॥ ४० ।।
॥२७॥
