________________
चन्द्रप्रमस्वामि
द्वितीयः परिच्छेदः
चरित्रम्
॥२६॥
स्वामिपूर्वभवः।
तओ य चंचुघाएहिं, हणेइ अंडयाई सो। पुणो पुणो य पासेइ, दिसि पक्खा ससंभमो ॥ १३ ॥ अंडयाण तओ मायापियरो य समागया। नीडं पासंति विक्खिन, दुद्रुण तेण सत्तणा ॥१४॥ पाडियाई अहोभूमि, फुट्टाणि अंडयाणि तो। पासंति मायापियरो, तं दुळं चडयं पि हु॥१५॥ अवच्चमच्चुदुक्खेण, अच्चंतं कोवभावओ। अंडयमायापियरो, तं सत्तचडयं पह॥१६॥ आगम्म झुज्झिउं लग्गा, कोहेण बलवंतया । अमोन्नचंचुघाएण, आहणंति गयकिवा ॥१७॥ अमोन्नं चंचुपुडयं, गिण्हित्ता उच्छलंति य । पडित्ता य पुणो लिंति, चरणेहिं गहं दढं ॥१८॥ जो हिठे उवरिल्लेण, सो चंचूहि हणिज्जए । गहिऊण महापाणं, हेढिल्लोपरि यत्तए ॥ १६ ॥ अजाणतो ब्व पहारे, हिडिल्लो उवरि ठिओ। दुगुणेहिं पहारेहि, हणेइ चडयं परं ॥२०॥ जयवंतो जया भत्ता, तया सा चिडिया वि हु। ताडेइ वेरिचडयं सव्वंगेसु खणे खणे ॥ २१ ।। एवं ते दो वि चडया, मुझंता अवरोप्परं । चंचुघाएहिं मम्ममि हया पंचत्तमागया ॥ २२॥ चिडिया वि खणं तत्थ, विलवित्तु तओ गया । अन्नेण चडएणेसा, पारद्धा रमिउं खणा॥ २३ ॥ तओ य पउमो राया, तं पिच्छिऊण चिंतए । धिद्धी संसारजीवाणं, केरिसं कम्मजंभियं ॥२४॥ कसायवसमावनो, मारेइ चडओ कहं । चिडिया डिंभरूवाणि, अंडमज्झगयाणि य ॥२५॥ दट्टण डिंभमरणं, ममत्तोभूयकोवओ। अंडयजणओ बीयं, मारित्तु चडयं मुओ॥२६॥
॥२६॥
