________________
चन्द्रप्रभस्वामि चरित्रम्
द्वितीयः परिच्छेदः
॥२३॥
स्वामिमातादृष्टस्वप्नवर्णनम् ।
तत्थावयाररत्तीए, वासागारपसुत्तया । लक्खणा पासई एए, सिविणा उ चउद्दहा ॥ ६ ॥ दंतिराओ चउद्देतो, सेयवण्णो कमुण्णओ। निच्चं मयनदीरम्मो, केलासो विव जंगमो ॥१०॥ वसहो धवलो पीणक्खंधो सरलवालही । कल्लाणकिंकिणीधारी, सविज्जु व्व सरग्घणो ॥११॥ पिंगच्छो दीहरज्जीहो, केसरी लोलकेसरो। उड़पुच्छच्छलेणेसो, सपडाउ व्व भासए ॥ १२ ॥ सामिसेया महालच्छी, अंभोयसमलोयणा । सुहापुण्णो पुण्णकृम्भो, पप्फुल्लंभोयपूइओ ॥१३॥ नाणाविहामरतरुप्पमूणपरिगुफियं । पलंवं दाम सकस्स, धणुव्व बहुवण्णय ॥१४॥ नियाणणपरिच्छंदमिवाणंदनिबंधणं । कतिपूरुज्जोइयासामण्डलं चंदमंडलं ॥ १५ ॥ रयणीए वि तकालं, वासरब्भमकारओ। सव्वंधयारच्छिउरो, फुरुज्जोओ दिवायरो ॥ १६ ॥ किंकिणीमालरम्माए, पडागाए समनिओ । करि व्व कण्णतालेण, राजमाणो महज्झओ ।। १७ ॥ थोउं अट्ठमतित्थेसं, कयाणेगनियाणणं । रुणझूणंतभमरंभोयरम्मं महासरं ॥१८॥ इलालीणसरम्मेहमालालीलावहारिणा । उडूकल्लोलपूरेण, सोहिल्लो खीरवारिही ।। १९ ॥ पुवं जत्थासि देवत्ते, सामी तं चेविवागयं । इहावि तेण नेहेण, विमाणं अइरम्मयं ॥ २०॥ कओ वेकथमिलिओ, तारयाणमिवोकरो । रयणपुजो आगासपुजीभृयामलप्पहो ॥ २१ ॥ तेयस्सीणं पयत्थाणं, तेलोकोयरमज्झगं । तेयं व पिंडियं धूमज्झओ पविदुओ मुहे ॥ २२ ॥
१२३३॥
