________________
संगामेण ससिवेगस्स । सावि असमाणविग्गहो त्ति कलिऊण मंतिवयणाणुवित्तीए सबलवाहणो त्ति गंतण इमीए वियIO डाडवीए सुरगिरिपव्वयाओ परेण नवनिविटुनयरे ठिओ। अत्थि य तस्स नयणनिमेसमित्तुब्भासियसुरबहुवेहम्मा चंदप्पभा
नाम दुहिया । तं च दळूण समाइटुं निमित्तिणा-जो एयं विवाहिस्सइ तओ तुम्ह रजसंपत्ती भविस्सति । कहं पुण ॥८४३।।
सो नायव्वोत्ति पिउणा वुत्ते भणियं तेण-सुग्गीवपुरसामिगंधसिंधुरं महदप्पुद्धरं इहारने परिभमंतं जो वसे धरिजइत्ति । तओ तद्दिवसाओ आरब्भ निउत्तविजाहरेहिं पडियरिओ अणुदिणमेस गंधहत्थो जावहिजो कुपुरिसाव्व कुलमेरमालाणं मोत्तूण पट्टिओ उम्मग्गेणऽगलियमेंठो पविट्ठो एत्थाडवीए । अओ अज जणयाएसा गयाए सहीसंगयाए नहगामिणीह अम्ह सामिणीए दंतकंति उज्जोइयनहाए चंदप्पहाए बसीकयकरिरायाणं देवपायाणं सउकंठं कंठमारोविया वरमालिया। एयं च वत्थाई समत्थं तीए चेव देवस्स पेसियंति जाव खेयरी तस्स एत्तियमाइक्ख इ, ताव उम्मग्गलग्गजलहिवेलाविब्भमं समंतओ पसरंतमागयं कुओवि तुरियवेगं तुरंगसाहणं । तं च सवियकं पलायंता रयणसिहरामा देवोत्ति मण्णमाणेण णामपुध्वं विनत्तो एगेण अस्सवारेण सोयं काऊण-साहेउ देवो-"जो एवं मत्तगयं आरूढो आगओ ण, नणु सो । कत्थ गओ मत्तगओ, अवि कुसलं तस्स सरीरस्स? ॥२॥ तो भण्णइ खयरीए हत्थि हरिऊण आगओ किं सो? जं एवमन्निसिजइ, आह तओ न खलु एवं तु ॥२॥ मन्ने साहसतुट्ठो अम्ह पहू तस्स दंसणं महइ । को पुण जाणइ तत्तं हिययगयं गुरुगंभीराणं ॥३।। ता काऊण पसायं भणह फुडं तप्पउत्तिमेत्ताहे । तयदंसणे अवस्सं न सामिणो निव्वुई होइ ॥४॥ तो भणइ तयं खयरी कयंतभीमो महाकरी एस। किं माणुसेण दम्मइ, दंतो देवेण खलु इमिणा
॥८४३।
