________________
लासु । लिविमाइकलासु दिणाणि नेइ कुव्वंतउम्मासं (?) ॥३४॥ सावि य पुरंदरजसा जणाओ निहिकुंडलस्स निसुणंती। सरयससिकरसरिच्छं कित्ति पुरिसंतरेसु तओ ॥३५।। नो रमइ मणागपि हु नयावि कस्सइ मणोगयं कहइ । जाया
गुरूण चिंता अकयविवाहा कहं कज्जा ।।३६॥ रन्ना मंती भणिओ तं कपि उवायमत्तणो कुणसु । एसा रायकुमाराण ||७८३॥
Ex कंपि जह वरइ अचिरेण ॥३७॥ तो मंतिणो पवत्ते णाणे वरलाभगोयरे पडिया । सव्वत्तो पेसविया कुमारपडिछंदगाण
कए ॥३८॥ नामेसु कुलेसु गुणेसु चेव रूवेसु रायपुत्ताण । नाएसु कहवि जइ होज कत्थई नाम अणुराओ ॥३९।। उसुंगाणेयकलाकलावकलियाण विमलसीलाण । रायसुयाण समंता पडिच्छंदा दंसिया तीए ॥४०॥ निहिकुंडलपडिछंदे दिटे सहसति सव्वगत्तेसु । उल्लसिओ पुलओ थंभियव्व दिट्ठी ठिया तत्थ ॥४१।। संजाओ रणरणओ तं चेव मणे निहालयंतीए । तक्खणमेव समग्गं भवणं पडिहासियं सुन्नं ॥४२॥ वम्महवियारतावो स कोवि तीए वियंभिओ देहे । जो ससिकरचंदणरसबिसाण सिसिराणवि असज्झो ॥४३॥ इओ य । निहिकुंडलेण कइयाइ सुमिणकाले निहालिय तीए । रूब जहट्ठियं क्खणेण तपडिबोहमावन्नो ॥४४॥ जाओ पुणरवि तहसणसुओ तं च कहवि अनियंतो । विरहग्गिसपलित्तो कत्थवि य धिइं अपावेतो ॥४५॥ जा चिटुइ तो पिउणा णाओ सुमिणस्स वइयरो कहवि । चरियाओ निउत्ताओ सयलासु दिसासु सयराहं ।।४६।। निवधूयाणं पडिच्छंदकारणाओ पुरंदरजसाओ । दिटे पडिछंदे सोवि तीए सारिच्छओ जाओ ।।४७।। णायम्मि तीए विसए अणुरागे मंतिणा सयं गंतुं । बहुपणयवयणगब्भं मग्गित्ता जणयपासाओ ॥४८॥ वरिया पुरंदरजसा चलिओ निहिकुंडलो नियपुराओ । सावत्थीए पुरीए तीए वीवाहणणिमित्तं ॥४९॥
X॥७८३॥
