________________
उपदेशपद महाग्रंथ.
।।६८२।।
रंजिज्जइ परियणोवि किर तीए । गुणसंथवणे लग्गो संवत्तित्वग्गोवि तं चित्तं ॥ १७० ॥ सुहसायरमग्गाए ती ए तणतुल्लगणिय सन्गाए । सिसिरदिवसायमाणा गणिया दिवसा न वयमाणा ।। १७१ ।। अह अन्नया णिसाए मज्झिमभाग सुहपत्ता सा । पेच्छइ सुवन्नकलसं सुरचंदण कचचिकं ।। १७२ ।। खीरोयसलिलभरियं विजुप्पुंजुजलं कमलपिहियं । णिय उच्छंगणिविद्धं विसिट्ठमणिजालसंघडियं ।। १७३॥ तक्खणमेव पबुद्धा उट्ठावेऊण नरवई कहइ । जह देव ! मए सुमिणो एहि एयारिस दिट्ठो ।। १७४ ।। भणइ निवो तुज्झ पिए ! होही पुत्तो कुलंबरमियंको । कुलकप्पतरू कुलदीओ य कुलमंदिरज्झओ य ।। १७५ ।। एवंति होउ इय मन्निऊण सा गब्भमुव्वहई धीरा । पीयामयरसपूरव्व हरिस गरि समणुपत्ता ।।१७६ ।। अविय ॥ अब्भवहरइ ण उन्हं ण य सीयं छुहतिसावि नो सहइ । चंकमइ ण य तुरियं गभासायाओ बीहंती ।।१७७।। पियइ विविहोसहाई निश्वं चिय गब्भवुड्डिजणयाई । बंधेइ ओसहीओ आराहइ देवयाणेगा ।। १७८ ।। पुन्नप्पासु तओ मासेसुं नवसु पेसिया पिउणा । पडिजन्गया वियायइ पंढमं जं पिउगिहे नारी ।। १७९ । जयसेणकुमारेणवि अइसुंदरमेयमिइ मुणंतेण । अंगयजुयलं पहियं सविसेसं पाहुडं रनो ॥ १८० ॥ पत्ता कमेण आवासिय य ते दत्तपरिचयवसाओ । गयसेट्टिगिहे सम्माणठाणमा रोविया तेण ।। १८१ । । भवियव्वयानिओगेण तेहिं पढमं निभालिया देवी । कहिओ पिउसंभासो आगमणपओयणं चेव ।। १८२ ॥ अह चिरकालस्स इमा जणयप उत्तित्ति तक्खणा देवी । रोमंचकंचुयंचियकाया जाया पसन्नमुही || १८३|| ईसिहसिरंपि वयणं जायं हासाउलं सुदंतीए । आणंदोदयपुन्नं वियसियमहलोयण जयंपि ।। १८४ । । सागयमिह तुम्हाणं कुसलं तायस्स नीरुया अंबा । णंदइ भाया मज्झं इय पुव्वं पभणिया
शङ्खकलावतीनिदर्शनम्
।।६८२ ।।
