________________
॥६८३।।
बहुसो ॥१८५।। एमाइसिणेहपरेण उचियसंभासणेण कयतोसा । तो भासंति जहेसि कुसलं सव्वेसि तुझ परं ॥१८६।। उक्कंठियाणि सव्वाणि भोगसाहणमिमाणि वत्थाणि । देवेण तुम्ह पहियं इमं च देवंगदोसजुयं ॥१८७॥ अंगयजुयं कुमारेण पेसियं राइणो सिणेहेण । अइवल्लहं च एवं कुमरस्स जओ नियपियाए ॥१८८॥ भूसणहेउं मग्गियमलं घणिजगयसेट्रिपुत्तेण । तस्सवि न दिण्णमेयं तो देवी भाउकयनेहा ॥१८९।। सयमेव तं पगिव्हिय भणेइ अहमेव अप्पइस्सामि । अहिगं ते सम्माणिय विसजिया नियनिवासम्मि ॥१९०॥ देवी सहीसमक्खं भुयजुयले अंगए परिहिऊण । परिओसनिब्भरा निचलाए दिट्ठीए पिच्छेइ ॥१९१॥
एत्यंतरे नरवई पत्तो देवीए मंदिरदुवारे । हसियरवं आयण्णिय किमेत्थ एयाउ जंलि ॥१९२॥ इय सवियको जा नियइ ताव पासइ गवक्खगयणयले । देवीभुयासु अंगयजुयलं तर सुणइ उल्लावं ।।१९३।। अमयरसेण व सित्तं मह णयणजुयं इमेसिं दंसणओ। अहवा सो चेव मए दिट्ठो एएहिं दिढेहिं ॥१९४।। एएहिं परिहिएहिं ओसत्तो नेहनिब्भरो समए। मरिउं च जीवियं मे हिययं तण्णामगहणण। १९५॥ अन्नं च उयह चोजं गयसेट्ठिसुएण मग्गियं एयं । तहवि नहु तेण दिन्नं पाणपिओ सोवि जं तस्स ॥१९६॥ भणियं सहीहिं सामिणि ! तुमम्मि जं तस्स नेह- सव्वस्सं । अन्नत्थ तारिसं कि संभवइ किमेत्थ किर चोजं? ||१९७।। एवं अगहियनाम उल्लावं तासिं बहुविहं सोउ।। ईसावसेण राया गहिओ कुवियप्पसप्पेहिं ॥१९८॥ हिययस्स कयाणंदो एयाए वल्लहो वरो कोइ । अयं विणोयमेत्तं वसीकओ कवडनेहाए ॥१९९।। किं निहणामि इमं चिय किंवा घाएमि वल्लहमिमीए । का होज एत्थ दूई संजोगो
॥६८३।।
