________________
उपदेशपदः महाग्रंथः
।।६६४।
नय तहावि । ईसरसिरिव्व रोरो न पत्थिओ ताण सो रुवं ।। ७९ ।। अह पेच्छइ सव्वाओहुयवहजालालिकर्विलकेसाओ । अणिव्विरनासाओ जरचीवरमलिनवेसाओ ॥८०॥ मज्जारलोयणाओ दंतुरलंबोट्ठवंकवयणाओ । परिगलियजोव्वणाओ तुच्छं गलियाणिचरणाओ ॥८१॥ अइसयबीभच्छाओ रागीणवि रागहरणदच्छाओ । दट्ठूण ता नरिंदों चितइ धणियं निराणंदो ॥ ८२ ॥ किं एस दिट्टिबंधो मइमोहो सुविणयं व पेच्छामि । किं वा देव्वपओगो किं वा पावभावो मे ? ॥ ८३ ॥ | हंहो महंतमेयं अच्छेरमदिट्ठमसुयमेत्ताहे । कत्थ गयं एयासि खणेण तं तारिसं रूवं ? ॥८४॥ अह जाणियवृत्तंता सहसा तत्थागय महादेवी । पायडियपेमकूवा पयंपिडं चेवमारद्धा ||८५ || हद्धी अणज ! रजसि विलीणहीणासु एरिसित्थीसु । अमुणियपत्तविसेसो अवगन्नसि रायदुहियाओ ॥ ८६ ॥ न कलेसि कुलकलंक विरज्जमाणं गुणं न लक्खेसि । एवं णिम्मजाओ कह धावसि परज्जणे मेरं ? ॥८७॥ एवं बहुप्पयारं उद्धो पत्थवो पिययमाए । लज्जोणओ विसजइ सजो विणयंधरपियाओ ||८८ | दठ्ठे विसज्जियाणं रूवं साहावियं पुणो तासि । कारणजिन्नासाएं चिट्ठइ चिताउरो णिचं ॥ ८९ ॥ | आयण्णिय मण्णदिणे सूरी सन्नाणसंपयानिलओ । नयरुजाणे रम्मे ओसरिओ सूरसेणोति ॥९०॥ चलिओ पमोयकलिओ संपउरभिच्चो तओ पुरीनाहो । उवविट्ठो य सुट्ठिो तयंतिए वंदणापुव्वं ॥ ९१ ॥ पारद्धा य भयवया धम्मक हा मोहकंदनिद्दलणी । लद्धावसरेण तओ पुच्छियमेयं पुहपहुणा ।। ९२ ।। भयवं! कि कयमसमं सुकयं विणयंधरेण पुव्वभवे । जं विजियसुरवहूओ कण्णा ओणेण पत्ताओ ? ।। ९३ ।। कत्तो वा सुकयाओ एयासि रूवमेरिसमपुव्वं । केण पओगेण तया विरूवया झत्ति संजाया ? ।। ९४ ।। इय
रति सुन्दर्यादीनामु
त्तरभव
वर्णनम् -
।।६६४।।
