________________
।।६४१।।
सोऊण रायवयणं संवेगरसं परं अणुहवंती । तं पडिबोहिउकामा मंतिपिया भणिउमाढत्ता ॥१५।। एयारिसे अकजे रमंति जे होंति हीणजाइल्ला । तुम्हारिसाण नरपहु ! नहु छजइ एरिसं पावं ।।१६।। न चयइ मेरं सुयणो ताविजंतोवि तिव्वदुक्खेण । पहओवि चंडमरुया लंघइ किं सायरो सीमं? ॥१७॥ रायरिसिणो य तुब्भे दुन्नयनासणनिमित्तमिह सिट्टा । सयमेव दुन्नयरया कहन्नलायं निवारिहिह ॥१८॥ अन्नं च पत्थिवाणं अवञ्चपाया पया सदेसस्था । ता तत्थ पेमरागा न संगओ नायसाराण ॥१९॥ उत्तमकुलजायाओ जायाओ संति ते अणेगाओ। लज्जसि किं न महंतो हीणाओ मारिसित्थेणा? ॥२०॥ पोरुसपयावपायवदवपायरंगणासमं तेण । मा मा निरसु निरत्थं अयसपसत्थं मयंकम्मि ।।२१॥ इय सोववत्तियं तीए मंतियं संतियंपि मूढस्स । भरियघडस्सव नीरं न तस्स कण्णंतरे थक्क ॥२२।। हसिऊण भणइ तो सो सुंदरि! जाणामि निच्छियं सव्वं । किंतु न जुञ्जइ एरिसवियारणा णेहरसियाण ।।२३।। भणियं च । “जत्थु गणंतिहि अत्थु वइजइ तुच्छवि पाणपीड रक्खिज्जइ । जत्थु अजुत्तु जुत्तु जोइजइ नेहह तासु जलंजलि दिजइ ॥२४॥" गाऊण णिच्छयं से कलिऊण य कालजावणाकालं । तं बुद्धिपुव्वयं बुद्धिसुंदरी सायरं भणइ ॥२५॥ जइ एस निच्छओ ते तहावि पडिवज पत्थणं एयं । परिपालिज्जइ नियमा नियमसमत्ती तुमे मज्झ ।।२६।। जो कुणह नियमभंगं जोवि य 8 कारेइ कहवि दुब्बुद्धी। ते दोवि हुति दुहलक्खभायणं भीमभवगहणे ॥२७॥ पडिवन्नमकामेणावि मेइणीसामिणा इमं बायणं । मा हाज सज्झसं भामिणीए परिभावयंतेण ॥२८॥ इयरीवि किंचि निवुयहियया रन्नो विबाहणोवाए। मग्गति चिय कालं गमेइ णाणाविणोएहिं ॥२९॥ अन्नदिणे आणाविय सुपसत्थं सित्थयं पसत्थाए । घडियं नियपडिछंदं निउ
।।६४१।।
