________________
॥६२९।।
परतीरवहणभंगे अण्णागम विट्ठ राग धम्मस्स । खेवो भंगे जीवण मिलणा कहणम्मि संवेगो ॥७०९।। अन्नत्थ गमणठाणं इयरस्सवि मच्छभत्तओ वाही। देवा तत्थागमणं दंसण पतिकहणमाणयणं ।।७१०।। आसासण वेजाण य पुच्छणा किरिय सम्म पडियरणं । इयरस्स हिरिय देसण संवेगातो ततो बोही ॥७११।। पन्नवण किं करेमी परदारचायमेव परमधिती। एत्तो अकरणणियमो एवं सिवणागमागमणं ।।७१२।। एत्थेव एरिसिच्चियगुणसुंदरिसन्निया पुरोहसुया । तप्पुरबडुरागाढा सावत्थिपुरोहियसुएण ।।७१३॥ बडु सबरासय तग्गयनिवेयणा धाडि गहिय कहणाओ। संवेगबोहणिच्छा निब्बंधे वयकहक्लेवो ॥७१४।। भाववियणा ण कित्तिमरोगकरण देसणा य अप्पगया बडु निव्वेया परायण अभयद्दाणाण परिओसो ॥७१५॥ अहिवंसे जीवावण कहणा संवेग किं करेमित्ति । चय परदारं चत्तं हंत कयत्थो सि. पणिहाणा ॥७१६।। एत्थं अकरणणियमा जाओ संसारबीयडहणो त्ति । उरिपि तप्पभावा तप्पालणधम्मवुड्डीए ॥७१७॥ एएण पगारेणं परपुरिसासेवणम्मि काऊण । अकरणणियमं एया णियमेण गया य सुरलायं ॥७१८।। तत्तो चुयाउ चंपापुरीए जायाओ सेट्टिधूयाओ । रूववती उ तारा सिरि विणयदेविनामाओ ॥७१९॥ परिणीया जम्मंतरजिणपारणदाणदेवचुयएणं । विणयंधरनामेणं स्ववया इन्भपुत्तेण ॥७२०॥ गयसीसे वेयाली दाणरओ दिनभायणे नियमा। बिदुज्जाणे जिणदसणाओ सद्धा य दाणं च ७२१।। घुटुं च अहोदाणं दिव्वाणि य आहयाणि तूराणि । देवा य सन्निवतिया वसुहारा चेव बुट्टा य ॥७२२।।
।।६२९।।
