________________
श्रीमतीसोमाहरणप्र०
उपदेशपर पडिइंतस्स विलोटे पुण्णम्मि महण्णवस्संतो।।१८५।। कहवि जलसेलसिंगरस घट्टणेणं विहाडियं वहणं । मोत्तयप- महाग्रंथ
वालसंखाइयाणि दव्वाणि बुडाणि ॥१८६।। सो लद्धफलगखंडो तडम्मि भियगेण सममहाइन्नो। एगम्मि जलहिकूलम्मि गामनगराइसकिण्णे ॥१८७।। तत्थवि विहिणा अइनिठुरेण छिद्दे छलंतरसरेण। मंदोकओ सुतिन्वं वाहिवियारं जणेऊण
॥१८८।। एगंतभत्तिमंतेण तेण भियगेण ओसहाईहिं । पडियरिओ तह पवणो पुव्वंव जहा स संजाओ।।१८९।। तुटेण तेण धूया ॥५४६॥
तस्स विदिन्ना तओ य तेणावि । सक्खिजणविप्पहीणा ववहारो अलियगो होइ ।।१९।। को एत्थ ममं सक्खी भणिए भियगेण जीवगा नाम। जे संति एत्थ पक्खी पगईए चिय सविनाणा ।।१९१।। ववहारविसंवाए ते तुह सक्खी, निवे इओ सव्वो । तेसि दोहिवि कन्नादाणग्गहणाण वुत्तंतो।।१९२॥ कालेण निए देसे संपत्ता दोवि पत्थुए दाणे । कन्नाए सयणमहिलाईलोयवसओ विलोट्टो सो ।।१९३।। कहमुत्तमकुलजायं कहमुत्तमरूवसंपयं चेव । नियधूयं तव भिच्चस्स मे मणो दाउमुच्छहइ ।।१९४।६ राता मुंच वइयरमिमं भी भियग ! मुहाए खिज मा एवं । इय पडिसिद्धो सो तेण रायपासं समल्लीणो ॥१९५।। कहिओ
वृत्तंतों जह इमेण निरुईकएण मे दिण्णा । नियधूया सक्खी को इमम्मि कजम्मि ते अत्थि ? ||१९६।। देवत्थि को पुणो सो, जीवगनामा विहंगमा कस्थ । ते संति भणई निवई, भियगो ते देव ! परकले ॥१९७।। आणिज्जंतू ते इह, छिज्जइ जेणेस तुम्ह ववहारो। तत्थ गओ सो भियगो आणीया पंजरंतरगा ॥१९८॥ विरलोकयम्मि लोए पुट्ठा ते निवइणा जहा तुब्भे । एत्थ पमाणं भणिया ता भणह जमेत्थ सचंति ? ॥१९९॥ किमिभोयणाण तेसि पुराणछगणे विरेल्लिए संते । जे किमिणो पायडभावमागया दरिसणेणेसि ॥२००॥ नियचंचुचालणाओ तहा कओ तेहिं कोइ संकेओ।
॥५४६॥
