________________
॥५४५॥
सचिंता जा तम्मग्गं पलोयए जणणी । ता एगागी गेहे मुणिचंदो झत्ति संपत्तो।।१७०॥ दिन्नासणो निसन्नो खग्गं गिहकीलगे विमोत्तूण । पयसोहणं च काउं पारद्धं तस्स भजाए ॥१७१॥ पुढो य ससोगाए जणणीए वच्छ ! थावरो कत्थ ? तेणं वुत्तं अम्मो! मंदगई पिट्ठओ एइ ।।१७२।। तो संखुद्धा एसा असिहुत्तं जा पलोयए ताव । पेच्छइ पिवीलियाओ इंतीओ रुहिरगंधेण ॥१७३।। सम्मं पेहंतीए दिट्टो खग्गो वि लोहियविलित्तो। तो पबलकोहहुयवहपलितंगताए पावाए ।।१७४।। संनिहियाए सिलाए जवगोहुमपेसणाए हेऊए। खित्ताए सिरसि सहसा पंचत्तं पाविओ पुत्तो ॥१७५॥ तो सामिमारणुप्पन्नतिव्वकोहाए तस्स भजाए। असिएण मारिया सा बंधुमईए नियंतीए ।।१७६।। घरसारं नरवइणा गहियं सुण्हा य चारगे धरिया । इयरी य पूइया गुरुजणेण सव्वं च तं दिटुं ।।१७७।।
भणियं च अहो पावा हिंसा जीवाण एरिसं चरियं । तत्तो होइ दुहाणं निहाणमिह परभवे चेव ॥१७८।। लद्धावसराए तओ भणियं सोमाए एयविरइमओ। गहिओ मएवि धम्मो किं कीरउ अहव मुंचउ सो ॥१७९।। पुत्ति! न मोत्तव्यो ता इण्हि तो किंपि जाव गच्छंति । दिट्ठो विणट्ठवहणो अलियपलावी विहम्मतो ॥१८०॥ वयणेहि जणाण सुनिठुरेहिं नाइत्तओ जहा एसो। संजाओ तह भन्नइ वसंतपूरनामगे नयरे ॥१८१।। पवहण वाणिजपरो सुहंकरो आसि नाम नायत्तो। सयलगिहकजसज्जा भज्जा मंदोयरी तस्स ॥१८२॥ ताण सुया संजाया सुकुमालतणू परूढसोहग्गा । नामेण संखिणी खीणदेहदोसा कमलवयणा ||१८३।। सो अन्नया भरित्ता इहदेससमुब्भवाण वत्थूण । दिव्वाणं पवहणाई जलनिहिपरपारमणुपत्तो ॥१८४॥ विहिओ बवहारो आयरेण जाओ बहू य धणलांभो।
।।५४५।।
