________________
॥५०७॥
रागंधा अंधा इव पडंति गहणासु वसणगत्तासु । हारियमणुस्सजम्मा कुकम्मभरभारिया जीवा ॥२९।। तहा तव कुलछायाभंसा पंडिच्चभसणा अणि?पहा । वसणाणि रणमुहाणि य इंदियवसगा अणुहवंति ॥३०॥ पजलियजलणजालाउलम्मि जलणमिम खित्तओ अप्पा । वरमेसो न उ सीलं विलुत्तमपवित्तचित्तेण ॥३१।। कप्पद्द मोवि चिंतामणीवि जीवाण कामधेणूवि । ण तहा कप्पंति फलं जहप्पणो सुद्धचरियाई ॥३२॥ को णाम किर सकन्नो गुणेसु सुइजुत्तमेतसज्झेसु । अप्पाणमगुणसंभावणामसीमीसियं कुणइ ? ॥३३।। एमाइएहि निउणेहिं धम्मवयणेहिं पडिहया बाढं । परमंतो रागविसुग्गारो गरुओ ण उत्तरिओ ॥३४॥ अह अन्नया महप्पा सो पव्वदिणम्मि विहियउववासो। राओ चच्चरदेसे पडिमाए संठिओ संतो ॥३५।। णाओ तीए देवीए चेडियाचक्कवालवयणाओ। अइदुव्विसहो इयराण तस्स विहिओ उवस्सग्गो ॥३६।। अक्खोहम्मि पओसं सा तम्मि गया तओ भणइ एवं । रे रे में ज न गणेसि भग्ग भग्गो तओ पेच्छ ॥३७॥ वंतरपडिमामिसओ संगोवियचेडिचक्कवालेण । आणाविओ नियगिहं रयणीए चियस देवीए ॥३८॥ परिणयवयपरिणामो सो अणुकूलेहिं तह य इयरेहिं । उवसग्गेहिं न खुद्धो दुद्धोदहिगब्भगंभीरो ॥३९॥ ततश्च-दाविय भूरिवियारा नियनहरविदारियाखिलसरीरा। उक्कइउं पयत्ता जह सेट्ठिसुओ इमो मज्झ ॥४०॥ एवं परिभवकारी | संजाओ चितिए अपुजते । दूरमणिच्छंतीए किमेत्थ काहामि मूढमणा? ॥४१॥ नाओ एस वइयरो रन्ना मायाइ तीइ परिकहिओ । गहिओ सुदंसणो ठाविओ य चारगगिहे गहिरे ।।४२।। पुव्वावज्जियसरइंदुधवलसच्चरियगुणपहाणाए । कित्तीए दूरमक्खित्तमाणसो चितई राया ॥४३।। णूणं ण एस काही असमंजसमेरिसं महाभागा। देविचरियं सुरूवं
al॥५०७॥
