________________
11८३॥
XXXXXXXXRE KEKXXXXXXXXXXXXX
बतो य संपयं किं करेमि अहं ? ॥७४।। अहवा किमणेण विचितिएण इय अवसराणुरूवंपि । पकरेमि धम्मकम्म पञ्जत्तं जीवियव्वेण ।७५।। इय सो परिभातो सुढिओति मुणित्तु तेहिं पुरिसेहिं । नीओ सदाणम्मी तो तेणं अणसणं गहियं ।।७६।। पंचपरमेट्ठिमंतं अणुसमरंतो य सुद्धभावेण । मरिऊणं उववन्नो दिवो देवो महिड्डीओ।।७७।। तक्खणमेव पउत्तो ओही अवलोइया सिरिपुरम्मि । अविचलियसालिसीलालंकारा सुंदरी तेण ।।७८।। सीलामलत्तगुणरंजिएण अप्पा पयासिओ तीसे । कहिओ य वइयरो पुव्वजम्मविसओ नरवइस्स ॥७९।। परिचिंतियं च रण्णा जइ जिणधम्मप्पभावओ एवं। पसुणोवि होंति देवा ता कि अम्हारिसा पुरिसा ।।८०॥ धम्मत्थकामसाहणसज्जा मजायवजिया होउं । विबुहजणनिंदणिज्जे विसयसुहे गाढमणुरत्ता ।।८१।। पविसंति दूग्गईसु?, ताऽवसरो एस धम्मकरणस्स । दूरं विरत्तचित्तेण तेण देवो इमं भणिओ ।।८२।। किं कायव्वमओ मे ? एको चिय जिणुवइट्ठओ धम्मो । संजायपच्चएण सत्तगुरुवं पवन्नो तो ॥८३।। भणिया देवेणं सा अह सुंदरि! केरिसं तुमं काही ? सव्वंधयारपडिबंधकारए उग्गए सूरे ॥८४॥ कि दीवेण पओयणमओ तुम चिय ममं पमाणं ति । इय निच्छियतच्चित्तो देवो सावत्थिनयरीए ॥८५।। तकालमणिपहाणा सिद्धायरिया गुरु पविहरंति । तेसि सीलपरिक्खणनिमित्तमह कवडदिक्खाए ॥८६॥ दिक्खित्ता नेइ तयं तेसि समीवे तहाविहअकाले । एगागिणिं च सामइयसुत्तआलावगनिमित्तं ॥८७।। भणीओ य तीइ सूरी वंदिय भालयलमेलियकराए। भयवं ! रोगवसाओ सामइयसुयं वियलियं मे ।।८८॥ होउं दयावरा मे देहालावगमिमं खणं एग । गुरुणा दिन्नुवओगेण चितियं नोचिओ समओ ।।८९।। एगागिणी जमेसा तहा अकाले महंतओ अविही। तो
।।८३॥
