________________
ताहे ॥४०३।। गहणम्मि तम्मि रयणीइ तीइ तुम्हाण सुहपसुत्ताण । एगेण पिट्ठओ धाविऊण निविडे कूडंगम्मि ॥४०४।। चोरपुरिसेण मज्झं बाणो गाढं निवेसिओ देहे । तग्घायवेयणाए अमुणतो महियले पडिओ॥४०५।। उवलद्धचेयणो ता तुम्ह अवाए बहू निरिक्खंतो. । गोवियनिययावत्थो टिओ तहि चेव वणगहणे ॥४०६।। वोलीणम्मि रहवरे तमंतरालमह पायचारेण । सणियं अवकमंतो पत्तो गामंतरे तत्थ ॥४०७।। जत्थ निसाइ नवसिया तुब्भे, गामाहिवेण परिकहिओ । तुह वइयरो विचित्तोसहेहिं मह रोहिओ य वणो ।।४०८।। तत्तो ठाणे ठाणे तुम गवसंतओ इहायाओ । भोयणववएसेण य दिट्ठा तुब्भे मए इहई ।।४०९।। चिट्ठति जाव निव्वयचित्ता विरहं खणंपि असहंता । तावण्णया परोप्परमालावो एरिसो जाओ ।।४१०।। जह कालो केवइओ गमियव्वा मुक्कपुरिसगारेहिं । किंचि इओ निग्गमणोवायं अणहं उवलहामो ॥४११॥ ता महुमासो पत्तो वम्महपहरिजमाणसयलजणो । आयड्डियचंदणपरिमलेहि मलयानिलेहि सुहो ।।४१२।।
तत्थ पवत्तासु पुरीजणाण णाणाविहासु कीलासु । धणविच्छडुविडंबियकुबेरनयरीविलासासु ।।४१३।। सुमहल्लकोउहल्ला तेवि कुमारा गया पुरुजाणे । दिट्ठो तत्थ गइंदो गीयज्झुणिझरियदाणजलो ॥४१॥ भूमिनिवाडियमिठो निरंकुसो सव्वओ परिभमंतो । कदलीथभसमाओ जणकीलाओ विलोलंता ॥४१५।। हल्लाहलए वटुंतयम्मि कुलबालिया भउब्भंता । गहिया एगा तेणं करिणा करणं विलवमाणी ।।४१६।। दिट्ठा सा तेण गइंदधोरकरगोयरा कुमारेण । उव्विल्लमाणकोमलबाहुमुणाला कमलिणिव्व ॥४१७।। विलुलंतकेसपासा भयतरलनिहित्तसयलदिसिनयणा । नियरक्खमपे
॥३५॥
