________________
॥३६५॥
किंचि अलियंति ॥६६॥ इच्छामि तुम्हमंते निक्खमिउमिमाओ भवमसाणाओ। जं नवरि जणगलोयं पुच्छामि तओ गओ सगिह ॥६७॥ भणइ जणि अहम्मो ! भगवं अभिवंदिओजिणो वीरो। निसुओ य तस्स धम्मो कन्नसहो अमयसारिच्छो ॥६८।। सा तं पडिभणइ तओ जाया! कयलक्खणो तुम एगो । तं चेव य सकयत्थो अजं संपतपुण्णिच्छो ॥६९।। जेण जगदेवगुरुणो तिलोयचूडामणिस्स गुणनिहिणो। पयकमलं वच्छ ! तए निहालियं विय
सियमणेण ||७०॥ र भणियं मेहेण तओ इच्छामि भयवओ चरणमूलं । गिहवासाओ इमाओ निक्खमिउं तिक्खदुक्खाओ ।।७१।। खर
परसपहयचंपयलयव्व सा ज्झत्ति धरणिवीढम्मि । पडिया विहडियसव्वंगभूसणा भग्गसोहग्गा ॥७२॥ पवणेण सीयलजलेहि तह य बहलेहिं चंदणरसेहिं । सित्ता सुबहु तह तालविंटपरिवीइया संती ॥७३॥ उम्मीलियनयणजुया पञ्चागयचेयणा भणइ तणयं । उंबरपुप्फंव तुमं सुदुल्लहो कहवि मे लद्धो ॥७४।। ता जाव अहं जीवामि ताव एत्थेव निव्वओ
वससु । तुह विरहे जेण लहुं जीयं मे जाति कुलतिलय ! ॥७५।। परलोयंतरियाए मइ पवजं तुमं करेजासि । एवं च * कए सुंदर ! कयन्नुयत्तं कयं होइ ॥७६।। [मेघः-] जलबुब्बुयविजुलयाकुसग्गजलघयवडोवमाणम्मि । मणुयाण जीविए ।
मरणमग्गओ पच्छओ वावि ॥७७।। को जाणइ कस्स कहं होही बोही सुदुल्लहो एसो। ता धरियधीरिमाए अंबाए अहं विमोत्तव्वो ॥७८।। (धारिणी-) सुकुलुग्गयाओ सुमणोहराओ लायन्नसलिलसरियाओ। निम्मलकलालयाओ सुवनतारुन्नपुन्नाओ ॥७९॥ मियमहुरभासिणीओ लज्जामजायगुणमणोजाओ। सरइंदुसममुहीओ नीलुप्पलपत्तनयणाओ
॥३६॥
