________________
श्रोउपदे- शपदे
श्रीमेघकुमारोदाह
रणम
॥३६६।।
८०॥ एयाओ अट्ठ वीवाहियाओ जायाओ तए निवसुयाओ। उवणीयनिउणविणयाओ, ताहिं सद्धि तुमं विसए ॥८१॥ पंचपयारे सारे परि जसु वट्टिए नियकुलम्मि। एगंतेण वितण्हो पच्छा पव्वजमणुसरसु ॥८॥ (मेघः-) असुइट्ठाणमिमाओ असुईओ बिय पव्वत्तजम्माओ । असुइकओवटुंभाओ चेव को मुणियपरमत्थो ॥८३।। एयासु रमेज अणज्जकज्जसज्ज सु पायमित्थीसु । तह रोगजरापरिजज्जरासु मरणवसाणेसु ? ॥८४॥ (धारिणी-) पुरिसपरंपरपत्तं वित्तमिणं पुत्त ! ताव माणेहि । दिन्ने दीणाईणं भुत्ते सह बंधुलोएणं ॥८५।। उच्छलियातुच्छजसो बंदिजणुग्गीयमाणगुणनिवहो । पच्छा वयं पवजसु विमुक्कतरुणत्तणो संतो ।।८६।। [मेघः- ] दाइयजलग्गिसाहारणेसु तह सरितरंगतुल्लेसु । मइमं अत्येसु न कोई एत्थ पडिबंधमुव्वहई ।।८७॥ [धारिणी-] जह खग्गग्गसिहाए चंकमणं दुक्करं तहा पुत्त! । वयपरिपालणमेवं विसेसओ तुज्झ सरिसाणं ।।८८1 [मेघः-] जा अकयव्ववसाओ पुरिसो ता दुकरं परं सव्वं । उज्जमधणाण धणियं सव्वं सज्झतु पडिहाइ ।।८९।।
एवं कयनिब्बंध जणणि बंधवजणं तहा सव्वं । पव्वजापडिकूलं भासंतमणुत्तरं काउं ॥९०॥ चितेहिं जुत्तिसयसंजुएहि विणओवयार-कलिएहिं । पत्तरेहिं एत्तो अप्पा मोयाविओ तेणं ।।९१।। संतपरिचायकरी कायरजणजणियविम्हउक्करिसा । दिक्खा समत्थभवदुक्खमोक्खदक्खा तओ गहिया ॥९२।। विहिया जिणेण करणिज्जवत्थुविसया | मणोहरा रावा । पण्णवणा जह एवं सोम ! तए चिट्ठणिजंति ।।९३॥ उवणीओ गणवइणो संज्झासमए कमाणुसारेण । संथारगभूमीसुं विभन्जमाणीसु मेहस्स ॥९४॥ जाया दुवारदेसे सा साहूणं अइंतनिताणं । कारणवसेण पाया
kkkxxXXNXXX****************
11३६६॥
