________________
KXXXX
XXXXXXXX
॥२९॥
वरधणं नियइ । परिभावियं जलट्ठा इओ तओ होहिइ गउत्ति ॥३१३।। नवजलयगहिरघोसेण तेण सद्दो करेत्तुमारद्धो (ग्रंथाग्रं ५००) । पडिवयणमलभमाणेण कहवि दिटुं रहस्स धुरं ॥३१४॥ अइबहलरुहिरधारालित्तं संजायसंभमो ताहे । वावाइओ वरधणू णणंति विगप्पिउं पडिओ ॥३१५॥ तस्स रहस्सुच्छंगे निरुद्धसव्वंगचेयणो धणियं । रयणवईए सीयलजलपवणासासिओ संतो ॥३१६।। उम्मीलियचेयण्णा हा हा भाय ! ति रोविउं लग्गा । रयणवईए कहकहवि उवरमो रोयणस्स कओ ॥३१७।। सा तेण तओ भणिया सुंदरि ! नजइ फुडं न किंचि* जओ । किं वरधणू मओ जीवइत्ति ता तस्स वुत्तंतं ।।३१८।। उवलद्ध जुत्तं गमणमिहि पच्छामुहस्स मे सुयणु !। भणियमिमीए रण्णे इमम्मि बहुसावयाइण्णे ॥३१९।। कह मंसपेसिसरिसं बहुसामण्णं विमुत्तु जियनाह !। इच्छसि । ममं तुम, तह नियडे चिय वट्टए वसिमं ॥३२०॥ जेण कुसकंटयाई जणचलणविलोलिया इह पएसे । दीसंति तत्थ गम्मउ तत्तो जुत्तं करेज तुमं ॥३२१॥ तत्तो लग्गा गंतुं मगहाभिमुहं ठियम्मि संधीए । विसयस्स गओ गामे एकम्मि स, भाविएण तहिं ॥३२२॥ गामपहुणा विलोइय रूवं तस्स परिभावियं मणसा । एस महप्पा | दिव्वस्स वसगओ कोवि एगागी ।।३२३।। पडिवन्नो बहगउरवमाणीओ नियघरे सुहासण्णो । पुढो जहा महाभाग ! किं समुव्विग्गचित्तो सि? ॥३२४।। परिफसियनयणसलिलो सो भणइ महं सहोयरो लहुओ । चोरेहिं समं भंडणमाढत्तो काउमह तत्थ ।।३२५।। पत्तो किमवत्थंतरेमेत्तो तस्सा गवेसणं काउं । गंतव्वमत्थि भणियं तेण तओ गामपहुणेवं ॥३२६।। मा एत्थ कुणसु खेयं जइ वणगहणे इमम्मि सो हाही । तं लहिही धुवं जम्हा एसा
॥२९॥
