________________
॥३२॥
मग्गो य । चारणसहस्सपरिगिज-माणहरहारसरिसजसो ॥१५६॥ तूररवापरिपूरिय-निस्सेसदियंतनहयलाभाओ । पलयानिलसंखोहिय-जलनिहिसलिलाणुकारेणं ॥१५७।। पूरपरियणेण सव्वायरेण अणुगम्ममाणमग्गो सो । सग्गाओ वजपाणि व्व कत्ति लोलाएँ निक्खंतो ॥१५८॥ जा नगराओ सुरिंदो ता तस्स मणोगयं वियाणित्ता । सर म-XI तणुं अहिं दसणेहि मणोरमं तुंगं ॥१५९।। पइदसमद्रवावीजुत्तं पइवावि अट्ठकमलजुयं । अटुट्ठदले कमले एक्कक्के नाडएहि जुयं ।।१६।। बत्तीसपत्तबद्धेहि पउमपत्तप्पमाणमिणिएहि । एरावणं विलग्गा सुरसेणाछन्नदिसिचक्को ।।१६१।। पत्तो जिणस्स पासे आगासे च्चिय पयाहिणं काउं । अग्गपउण्णामियनिययकुंजरो वंदिउ लग्गा ॥१६२।। दिट्ठो तद्देससमागएण रन्ना दसन्नभद्देणं । अव्वो अच्चन्भयमेयमेरिसं मे न दिटुंति ॥१६२।। णूणमणेण महतो धम्मो विहिओ जओ सिरी जाया । अम्हाणमकयपुन्नाण को णु गव्वो नियसिरीए ? ॥१६४॥ ता उज्जमेमि धम्म काउं जेणिच्छियं लहू घडइ । तक्खणमेव विरत्तो सव्वं संगं परिच्चयइ ॥१६५।। तस्स तया पन्नासं सहस्स आसी रहाण : पवराणं । निजियरइरूवाणं सत्त सया सुंदरीणं च ॥१६६।। तहऽणेगसहस्सा हयगयाण पत्तीण पुण अणेगाओ । कोडीओ उब्भडरिउभडेसु सोंडीरचरियाओ ॥१६७॥ धणधन्नमणुन्नाइं गामागरखेडकब्बडपुराइं । सीसारोवियतस्साणाई सयसहस्ससंखाई ॥१६८।। इय एवंविहरिद्धीरेहिल्लं तेण उब्भडं रज्जं । मुकं तणंव विनायभवसरूवेण धीरेण ॥१६९।। सव्वजगजीवखेमंकरिं च दिक्खं खणेण पडिवन्नं । दटुं तं सवियको सक्को परिचिन्तए एवं ॥१७०।। जमणेण पुन्नपुरिसेण चितियं जह मए भवणबंधू । तह नमणिज्जो जह नो केणावि कयावि नमिओ त्ति ॥१७१।। तं सव्वं ।
