________________
श्रीउपदेशपदे
राहिणीवणिगद०
।।२८६।।
कालेणं बहुएणं भोयणपूव्वं तहेव जायणया । पढमा सरणविलक्खा अह बितिया ततिय अप्पिणणं ॥१७६॥ चरिमाए कोंचिगाओ खेत्ताओ तुम्ह वयणपालयणा । सा एवं चिय इहरा सत्तिविणासा ण सम्मति । १७७॥ तब्बंधूणभिहाणं तुम्भे कल्लाणसाहगा मेत्ति । किं जुत्मेत्थ मज् ते आहु तुम जेसि त्ति ॥१७८॥ तत्तो य कज्जवुझण-कोट्टण-भंडार-गिहसमप्पणया । जाहासंखमिमीणं नियकज्जं साहुवाओ या ॥१७९॥
रायगिहं नाम पुरं समत्थि तत्थासि हसियवेसमणो। निययविहवेण भणिओ णायभिहाणं धणो नाम ॥१॥ रुजालुत्तकुलीणत्तसीलपमुहेण भूरिणा धणियं । गुणभूसणेण हयदूसणेण भूसं परं पत्ता ॥२॥ भद्दा अहेसि भन्जा तीए य समं मणोरमे विसए । सेवंतस्स कमेणं चत्तारि इमे सुया जाया ॥३।। धणपालो धणदेवो धणगोवो तह चउत्थओ एसो । धणरक्खिउत्ति पियमाइपमुहगुरुलोयविणयपरा ।।४।। निययायरणवसाओ संजाया उज्झियाइनामाणो । पुट्विं नामंतरओ लोगेणुकित्तियाओ वि ॥५॥ चत्तारि वहूओ उज्झिया इमा दुइया भोगवइनामा। तइया रक्खियसन्ना चउत्थिया रोहिणी होइ ॥६॥ वच्चंति ताण दिवसा नियकुलसीलाणुवत्तणपहाणा । पत्तम्मि थेरभावे कुटुंबचितापरो स धणो ॥७॥ चितेइ मए कालं गयम्मि ठाणंतरमुवयम्मि। का नाम कुडुंबभरं वोढुं होजाहि वहुयासु ॥८॥ ता जुजइ परिक्खा इमासि नियबंधुलोयपञ्चक्खं । अपरिदृवियकुडंबा कुडुंबिणो जं ण सोहंति ॥९॥ भोयणमंडवमुदंडवेस ताडेत्तु मित्तनायजणं । निययं बहूजणस्स य निमंतए भोयणट्टाए ॥१०॥ णाणाविहभायणदाणपुठवगं आयरेण अइमहया । भुंजावयमि तम्मी कओवयारे सुहासीणे ॥१२॥ तो कमलसालिकणे पुढो पुढो ताण पंच बहुयाण। नियह
२८६॥
