________________
॥२८३॥
XXXXXXXXXXXXXXXXXXXXXXXXXXXX
एगेणमप्पसारियदेसे वावादिता पयत्तेण । अन्नेण उ पडिसेहो गुरुवयणत्थो त्ति नेव हतो ॥१७०।।
चेइविसम्मि नयरी सुत्तिमई जयसिरिव्व मुत्तिमई । अत्थि पवित्थरियगुणा पुरिसत्थाराहगजणोहा ॥१॥ पाउसकालकयंबोव्व बहलसुयपरिमलुच्छलियकित्ती। खीरकयंवो विप्पो समासि अज्झावओ. तत्थ ।।२।। पव्वयओ तस्स सुओ माहणपुत्तो य नारओ बीओ। तईओ वसूनिवसुओ सीसत्तमुवागया संता ॥३॥ आरिसवेयमहिजंति णेव रजंति कत्थई विसए। तस्स समीवे अण्णम्मि वासरे साहुसंघाडो ॥४॥ भिक्खत्थमागओ तस्स मंदिरे पेच्छिऊण ते तिन्नि । वेयमहिज्जते णाणिणेगमुणिणा तओ भणियं ॥५॥ उद्दिसिय दुइज्जमुणि छत्ताणेयाण रायतणओ जो। होही स निवो इयरेसु दोसु एगस्स नरयगई ॥६॥ अन्नस्स सग्गगमणं होही कडगंतरेण तं सव्वं । निसुयमुवज्झाएणं तओ स चिंताउरो जाओ ॥७।। नायं जहा नरिंदो वसू भविस्सइ किमेत्थ चिंताए । इयरेसु दोसु दुग्गइगामी को होज इयरो वा ।।८।। पारद्धा य परिच्छा मा होउ अपत्तविजदाणाओ। मज्झमवजमसज्झं तवतित्थण्हाणमाईणं ।।९।। छगखल्ल-* मल्लमापूरिऊण लक्खारसेण बहुलाए । अट्ठमितिहीनिसाए पव्वयनामा सुओ भणिओ ।।१०॥ अज्झावएण, एसो छगलो मंतेहिं थंभिओ विहिओ। ता उप्पाडिय नेउं जत्थ ण पासइ परो कोइ ।।११॥ तत्थ तए हंतव्यो एवं वेयत्थसुणणजोगत्तं । संपज्जइ तेण तहा गुरुवयणमलंघणिज्जमिणं ।।१२।। मन्नतेण स छगलो गहिओ रच्छामुहम्मि सुन्नम्मि । गंतूण जाव निहओ ताहे लक्खारसेणेस ॥१३॥ उक्किन्नो सव्वंगं रुहिरमिमं मण्णमाणओ व्हाओ। गंतुं सरे सचेलो
।।२८३।।
(K
