________________
।।२४१॥
पध्वजं मइ पव्वइयम्मि नियमओ काहि । इय चितंतो तीए वारतिगं सद्दिओ नेइ ॥१६८।। भणिओ जणएण तओ रयहरणं नियकरे धरेत्तूण । कमलदलामल-लोयणजुयलो ससिमंडलमुहो य ॥१६९।। जहा ।। जइ सुकयज्झवसाओ धम्मज्झयमूसियं इमं वइर! । गेण्ह लहु रयहरणं कम्मरयपमजणं धीर ! ॥१७०।। तूरियमणेणं गंतुं गहियं लोगेण जयइ धम्मोत्ति । उक्किट्ठसीहनाओ कओ तओ चिंतए जणणी ।।१७१।। मम भत्ता पुत्तो भाउओ य एए पवन्नपव्वजा। कस्स कए गिहवासे वसामि तो सावि पव्वइया ॥१७२।। परिवजियथणपाणा दग्वेणवि समणओ स संजाओ । अजवि विहारकिरियाणुचिओ सो साहुणीपासे ॥१७३॥ ठविओ पुणरवि तासिं समीवओ सो सुणेइ अंगाई। एक्कारसवि पढंतीण ताण तेणेव लद्धाणि ॥१७४।। एगपयाओ पयसयमणुसरइ मई तहा सया तस्स । जाओ य अटूवरिसो ठविओ गुरुणा नियसमीवे ।।१७५॥
विहरंता उजेणि गया ठिया बाहिरम्मि उजाणे । कइयावि तिव्वधारं सुदुन्निवारं पडइ वासं ॥१७६।। भिक्खायरियाइपओयणाई त तरंति साहुणो काउं । जा ता जंभगदेवा वइरस्स परिच्चिया पुव्वं ॥१७७।। जाया कहिंचि तद्देसचारिणो पेच्छऊण सो ज्झत्ति । परियाणिओऽणुकंपा भत्तीवि य तम्मि संजाया ॥१७८॥ तप्परिणामपरिक्खाहेउं ताहे भवित्तु वाणियगा। सत्थबइल्ले तद्देसभूमिभागे निवेसंति ।।१७९॥ संसिद्धभत्तपाणाण ताहे ते वइरखुड्डगं पणया। आमंति ते पयट्टो गुरुणो आमंतिओ संतो ॥१८०।। मंदं मदं वास पडिइत्ति नियट्टउ तओ तंपि । जाववियं सहाविति ताव विहियायरा दूरं ॥१८॥ वइरोवि गओ ताहे तद्देसं कुणइ तिव्वमुवओगं ।
॥२४१॥
