________________
श्रोउपदेशपदे
।।२३२ ।
सालावि य पढिया एक्कारसंगाई ||३४|| अह अन्नया जयगुरू रायगिहे विहरिउं जओ चंपा । तत्तो लग्गो गंतुं एयावसरम्मि एएहिं ।।३५|| विन्नत्तमिमं अम्हे जह पिट्ठीचंपमणुसरामो त्ति । संसारियाण तेसि न कोइ मा पव्वज तहा ।। ३६।। सम्मत्तमुवलहेजा सामी साणाइ नियमओ बोही । होही तेसि गुरुणा सहायओ गोयमो दिन्नो || ३७ || भयवं चंपाए गओ गायमसामीवि पिट्टिचपाए । भणिओ जिणप्पणीओ धम्मो निसुओ य सो तेहि ॥ ३८ ॥ तिन्निवि संवेगजुयाईं नंदणं गागलिस्स रज्जम्मि । ठविऊणमुन्नयमणाणि सव्वविरहं पवन्नाणि ।। ३९ ।। ताणी य गोयमसामी घेत्तुं पंथम्म एइ जा ताहे । सालमहासालाणं हरिसुक्करिसा इमो जाओ ||४०|| संसाराओ उत्तारियाणि सुद्धे णेमेण भावेण । जायं केवलणाणं चिता इयरेसि इय जाया ||४१ || रञ्जम्मि पढममम्हे ठविया एहि संपवइएसु । नो अन्नो उवयारी इमेसि अम्हं भवेजत्ति ||४२ || इय सुद्धझाणवसाऽवसाणपयपाविएसु एएसु । कम्मेसु रम्मरूवं केवलणाणं समुप्पण्णं ।।४३।। उप्पन्न पुन्नणाणाणि ताणि पत्ताणि भगवओ पासे | चंपापुरीए गुरुमग्गमणुसरंताणि कालेण ||४४|| काऊणं तिपयाहिणमभिवंदिय तित्थमह पयट्टाणि । गंतुं केवलिपरिसं भयवं पिय गोयमो जाव || ४५ ॥ तिपक्खिऊण जिणं पडिओ पासु उट्ठिओ भणइ । वच्चह कत्थ इओ एय सामिपयपणमणं कुणह ||४६ || वागरिओ जयपहुणा मा गोयम ! केवलीणिमाणि तुमं । कुण आसायणमातुट्टमाणसो ते खमावेइ ।। ४७ ।। तो संवेगमइगओ चितेइ न मे भविस्सए सिद्धी । एवमइदुक्करतवो वि केवलं जेण न लहामि ||४८ || पत्तो य सामिणा पुव्वमेव वारिय परिसाए । मणुयसुरासुर सहियाए जो सएणं पभावेण ॥ ४९ ॥ अट्ठावयमारोहइ वंदेइ ग़ चेइयाणि विणयपरो ।
श्रीवज्र
| स्वामिचरितम्
।। २३२ ।।
