________________
***
*
॥२३३॥
*******
तेणेव भवग्गहणेण सिज्झई सा न संदेहो ॥५०॥ तव्वयणसवणहरिसाऊरियचित्ता परोप्परं देवा । साहेति एवमेवं सव्वत्थ इमा कहा जाया ॥५१।। अट्ठावयम्मि नट्ठावयम्मि जइ कहवि हाज मे गमणं । इय जा चिंतइ भयवं गोयमसामी सुगयगामी ॥५२।। तो तम्मणतोसकए तावसपडिबाहकारणाए य । भणिओ गुरुणा अट्टावयम्मि तं वञ्च जिणबिंबे ।।५३।। वंदेहि तत्थ सुपसत्थलक्खणे विणयणमिरसध्वगा। ताहे सो मुणिसीहा हट्ठो तुट्टो जिणं | नमिउं ॥५४।। पत्तो अट्ठावयपायमूलमायन्निऊण जिणभणियं । अह तिन्नि तावसपहू कोडिन्न तहावरो दिनो ॥५५॥ तइओ पुण सेवाली पत्तेयं ते य पंचसयकलिया । चलिया गिरिमारुहिउं चउत्थंभत्तावसाणम्मि ।।५६॥ पढमो कदे मूले य जेमई चित्तमंतए बीओ । छट्ठतवंते भुंजइ परिसडिए पंडुरे पत्ते ॥५७॥ तइओ पुण सेवालं सुकं सयमेव अट्टमतवंते । ते मेहलासु लग्गा कमेण पढमाइयासु तिसु ॥५८।। दिट्ठो य तेहिं भयवं. गोयमसामी समुद्ध रसरीरो । कह एसा इयरूवो गिरिम्मि एयम्मि लग्गिहिही ? ।।५९।। भयवं जंघाचारण लद्धी लयापुडंपि काऊण । निस्सामयमुप्पयए
पेच्छंताणं स तेसिं खणा ॥६०।। उप्पइओ एस इमो एइ पलोयंति जाव उप्फुल्ला । ताव विलायणविसयाओ अइगओ • सूरबिंबं व ॥६१॥ संपन्नमणचमका तिन्निवि तप्पसंसणे लग्गा । चिटुंति दूरमुक्कंठिया य तहसणस्स पुणो ॥६२।। चिंतंति य ओइन्ने इमम्मि एयस्स सीसभावेण। होहामो सामी पुण पत्तो तप्पव्वयसिरम्मि ।।६३॥ पेच्छइ तं जिणभवणं भुवणब्भुयभूइभायणसमाणं । भारहरन्ना भरहेण चक्किणा कारियं पढमं ॥६४।। उस्सेहंगुलजायणदीहं कोसे समुस्सियं तिन्नि । गाउयदुगवित्थिन्नं गयणग्गविलग्गझयमालं ॥६५॥ पंचविहरयण-नियरुल्लसंतकरकलिय-विउलसुरचावं । सययमपत्ता
**********************
॥२३३।।
kXXX*******
