________________
||२३१॥
गेहम्मि जह खमो वासो । नो बुद्धिधणस्स जणस्स तह भवे दुक्खभरभरिए ।।१९।। तह कागताल-संजोयनायओ दुल्लह मणुस्सत्त । लद्ध सद्धम्ममहानिहाण संपत्तिजोग्गमिणं ।।२०।। जह कागिणीए लुद्धो कोडी हारेइ कोइमवि मणुओ। तह विसयलालसमणा विवेयवियला इमं जम्मं ।।२१।। तह सयलकज-करणोवमाण-मुल्लंघिओ ईमोऽवसरो। लद्धो धम्मस्स मुहाए नेउमुचिओ न तुम्हाण ॥२२॥ सव्वे वि य संजोगा न थिरा तडिडंड-डम्बरसमाणा । अनिलालोलिय-धयवडविडम्बणा वित्तसंतोया ॥२३।। कुसदलसलिल-लवाउवि चंचलं जीवियं मुणह मणुया । सद्धम्म करण जलणेण भवतरू जह मिलाइ इमो ॥२४॥ सव्वायरेण तह उज्जमेह एवं इहावि सुहलाभो । सव्वसुहरयाणखाणी परमत्थनिव्वुइपयं च भवे ॥२५ । एवं निसम्म धम्मो सालो भालयल-मिलियकरकमलो । पणमित्ता भणइ | जिणं जाव महासालमिह रज्जे ॥२६॥ अहिसिंचामि समीवे तो तुम्हाणं करेमि पवज्ज । गंतूणं नियभवणे तेणाइट्ठो महासालो ॥२७॥ गिन्हसु रज्जं पव्वजमज काहं तओ भणई इयरो । जह रजमसारं भाविऊण तुब्भे परिचयह ॥२८॥ तह अहमवि उझेउं वछामि विरागमागया दोवि । कंपिल्लाओ गागलि माणित्ता रजमुवणेति ॥२९॥ सो | वि य तेसि नियमाउलाण अइवच्छलाण कारेइ । दोनरसहस्सवहणोचियाओ अइपवरसिवियाओ ॥३०॥ सीहासणावरिणया ते तासु पुराउ निक्खमणकाले । विहि उज्जलनेवत्था सुरचंदणलित्तसव्वंगा ॥३१॥ उदयगिरि-सेहरारूढमुत्तिणो रविससिव्व रेहंति। नियदेहकंति-संभारपूरियासेसदिसिवलया ॥३२॥ अयिनिब्भर-पहयपहाण-तूररव पूरियंबरा गंतुं । भयवंतपायमूले नमिउं तिपयाहिणा पुव्वं ॥३३॥ पव्वइया विहिणा सावि जसमई साविया परा जाया । सालमहा
