________________
॥२२५॥
य नराहिवेण लोगम्मि सुद्धलेसाए । वट्ट तो चाणको तेण करीसग्गिणा पत्तो ॥१६३।। चितेसु य सो धणियं धम्मज्झाणम्मि अचलिय सहावो । अणुयंपागयचित्तो जलिए जलणम्मि डझंतो ॥१६४।। धन्ना ते सप्पुरिसा जे नवरमणत्तरं गया मोक्खं । जम्हा ते जीवाणं न कारणं होंति दुक्खाण ॥१६५।। अम्हारिसा उ पावा बहुविहजीवाणुहवं काउं । आरंभासत्तमणा धी धी जीवंति जियलोए ॥१६६॥ जाणियजिणवयणस्स वि मोहमहासल्लसल्लियमणस्स । इह परलोयविरुद्ध चरिअं मह. केरिसं जायं ॥१६७।। जे केई मए जीवा इह परजम्मेसु दुक्खमाणीया । ते मह खमंतु इण्हि खामेमि अहंपि ते सव्वे ॥१६८। अहिगरणाइं च मए जाइं रजम्मि वट्टमाणेण । विहियाइं पाववसएण ताई तिविहेण चत्ताई ॥१६९।। जह जह करीसजलणेण तस्स धन्नस्स डज्झए देहो । तह तह पलयं पावंति करकम्माइं अंतेवि ॥१७०॥ सुहभावणापहाणो पहाणपरमेट्रिमंतसरणपरो । अचलिय समाहिचित्तो परासुभावं समणुपत्तो. ॥१७१।। उववन्नो सुरलोए भासुरबोंदी महिड्डिओ देवो । सो पुण सुबंधुसचिवो तम्मरणाणंदिओ संतो ।।१७२।। अवसरपत्थिय पत्थिवविदिन्नचाणकमदिरम्मि गओ। पेच्छइ गंधोवरयं घट्टियनिविडुब्भडकवाडं ॥१७३।। इह सव्व मत्थसारं लहिहंति कवाडविहडणं काउं । निच्छुढा मंजसा ता जावग्धाइया वासा ॥१७४।। दिटुं च भुञ्जलिहियं तस्सत्थो वि य वियाणिओ सम्मं । तो पञ्चयत्थमेको वासे अग्घाविओ पुरिसो॥१७५। भंजाविओ य विसए गओ य सो तक्खणेण पंचत्तं। एवं विसिट्टवत्थुसु सेसेसुवि पच्चओ विहिओ ॥१७६॥ हा तेण मएण वि मारिओ म्हि इइ परम दुक्खसंतत्तो। जीयत्थी स वराओ सुमुणी इव ठाउमारद्धो ॥१७७।। चाणकरस इमा इह बुद्धी परिणामिया जओ पत्तो।
||२२५॥
-
