________________
श्रीउपदेशपदे
॥१०॥
सिरोवियणा ॥२६।। मरणावसाणमेयं जयमेवं निच्छयं मणे काओ वाहरिया कडगाई समप्पिओ बंभदत्तो १ चोल्लकसिं॥२७॥ जह सयलकलाकुसलो पावियनीसेसरजपब्भारो। जायइ सुओ ममेसो तह कायव्वं ति भणिया य ॥२८॥
निदर्शनम् तत्तो कमेण पत्तो परलोयपहम्मि भनरनाहो । मयकज्जेसु कएसुं सव्वेसुवि जणपसिद्ध सुं ।।२९।। ते रज्जकजसज्जं संछाविय तत्थ दीहनरनाहं । कडगाई तिन्नि निवा संपत्ता नियनिययरजेसु ॥३०॥
चुलणीए दीहस्स य दोण्हवि कन्जाइं चिंतयंताणं । सीलवणदहणपवणो जलणोव्व विजंभिओ मयणो ॥३१॥ अगणियकुलमालिण्णा चुलणी चडुलत्तणेण चित्तस्स । दूरुज्झियजणलज्जा रज्जित्था पावदीहंमि ॥३२।। इयरो उण छिद्दरओ कुडिलगई विसयगिद्धिविसपुण्णो । चुलणीए रत्तच्छो संजाओ दीहपट्ठो व्व।।३३।। नायं नीसेसमिणं चरियं चुलणीइ सीलभंगफलं । धणुणाऽमच्चेण विचितियं च नो कुमरकुसलमओ ॥३४।। भणिओ य वरधणू तेण पुन कुमरस्स अप्पमत्तेणं । कुजा | सरीररक्खा जणणी णो सुंदरा जेण ।।३५॥ समए य माउचरियं जाणावेयव्वअं तए सव्वं । जेण ण पावेज इमो उवढवं केणइ छलेण ॥३६॥ उवलद्ध जणणीए चरिए तो तिव्वअमरिससणाहो । कुमरो काल वसेणं संजाओ। जोवणाभिमुहो ॥३७।। जणणीइ जाणणकए जे जे असमाणजाइणो जीवा । कोइलकायाईया विसरिसआयारकरणरया ।।३८।। अंतेउरस्स अंते गयाइ तीए य ते पदंसेइ । भणइ य सकोववयणो अम्ब ! निगिण्हामि अहमेए ॥३९।। अन्नोच्चिय जो मज्झं रजेऽणायारसेवणं काही । दूरं निगिहियव्वो निरवेक्खमणेण सो सम्वो ॥४०।। एवं अणेगवारे विणिगिण्हतं तहा पभासंतं । दटुण बंभदत्तं दीहो चुलणि समुल्लवइ ।।४१।। नेयं परिणामसुहं जं जंपइ
