________________
।९।।
K**************************
कासीणाहो कडओ कणेरुदत्तो य गयउराहिवई । कोसलसामी दीहो चंपापह पुप्फचूलोत्ति ॥१३॥ निरवज्जरजचिताधुरंधरो तह धणू महामच्चो । पुत्तो तस्स वर धणू धणियं कलिओ पिओगुणेहिं ।।१४॥ ते पंचवि रायाणो बंभाईया | परूढपणयवसा। विरहं अणिच्छमाणा परोप्परं एवमणिसु ।।१५।। पत्तेयं पत्तेयं पंचसु रजेसु वरिसमेक्कक नियपरिवारजुएहिं जुगवं चिय संवसेयव्वं ॥१६॥ वोलिणम्मि य काले केवइए. दूरमुण्णयमणाणं । बहुपुण्णपावणिज्जं भोगसुहं भुंजमाणाणं ॥१७।। अह अन्नया कयाई रयणीए रज्झभागसमयम्मि । चुलणी अइफारफले चउदस सुमिखे नियच्छेइ ।।१८।। जहा;- 'कंजरवसहसीहअइसेया-दामसोमरविझयअभिसेया । कुंभंभोरुहसरजलनिहिणो-दिव्वविमाणरयणगणसिहिणो' ॥१॥
तक्खणमेव पबुद्धा सा मुद्धा कहइ बंभनरवइणो। जह सामि! संपइ मए च उदस सुमिणा इमे दिट्ठा ॥१९॥ राया रंजियहियओ धाराहयनीवकुसुमसमपुलओ। फुल्लिंदीवरनयणो भणइ इमं देवी ! ते होही ॥२०॥ अम्ह कुलकप्प रुक्खो कुलझओ कुलपईवसंकासो। महिमंडलमउलमणी गुणरयणखणी सुपुत्तो त्ति ।।२१। साहियनवमासंते संतेसु च वाओधूलिडमरेसु । उज्जोइयदिसिचक्को जाओ तणओ कयचमको ॥२२॥ वद्धावणयाईसुं विहिएK विविहजाइकम्मसु । समयम्मि तस्स नाम पइट्टियं बंभदत्तत्ति ॥२३॥ सियपक्खसोममंडलमिव बुद्धि एस लद्ध चारद्धो। लच्छीनिवाससिरिवच्छकलियवच्छत्थलो एसो ।।२४।। कत्थइ समए कडगाइएसु पत्तेसु बंभनिवपासे । बंभस्स सिरे रोगो जाओ दावियसुयणसोगो ॥२५।। सुत्तत्यपारगेहिं पहाणविजेहि ओसहाईसु । सम्मं पउंजिएसुवि न निवत्तइ जा
KX****************
॥९॥
