________________
।। १६७॥
सीयाविहियसरीरट्ठिईण संतुट्ठचित्त ण ।। १२ ।। वञ्चति वासरा ताण जाव, लंका हवेण ता नायं । पुव्विपि य सीयाए आरूढदढाणुराण ||१३|| जह रामो जणगनिवंगयाइ जुत्तो वणम्मि परिवसइ । पारद्धो तग्गहणोवाओ छलचारिणा तेण ।।१४।। कत्थइ समए अइवाउलाण तेणेव तेसि विहियाण । पुप्फगएणं सा रावणेण लंकाउरि नीया || १५ | नियठाण मागया जाता ते सीयं कहिवि न नियंति । सव्वस्सवंचिया इव सोगं च पराभवं च गया ।। १६ ।। सुग्गीवसहाएहिं हणुवंतचरोवलद्धवृत्तंतो । गंतुं लंकानयरि सबंधवो रावणो निहओ ।। १७ ।। उवलद्धा जणगसुया तिलनुस मित्तं अखंडियायारा । चोद्दसवरिसाणते समुवज्जियपाढजसपसरा || १८ || उज्झाउरि च पत्ता परलोगगएण विरहियं पिउण। । भरहेणं निरवज परिचितियरज्जकजं ते ।। १९ ।। जाओ रज्जभिसेओ लक्खणकुमरस्स रामणुन्नाए । रजपुहमणुरयाणं जा जति दिणा सुहमणाण ।। २० ।। अलिएण य बलिएण य ताहे लोएण जणगतणयाए । आरोविओ महंता सीलक्खलणाकओ अयसा ||२१|| जहा - परमहिला लोलमणे सव्वत्थेसुवि विरुद्धसंचारे । कह रावणमि तग्गिहगयाइ सुइसीलमेयाए ? ।। २२ ।। नियजायासुइभावं रामो जाणंतओवि जणवाया । किचि अवन्नं दंसेइ सा गया बहु तओ सागं ||२३|| अतेउरमज्झगया अहन्नया मच्छरं वहतीए । होउ खए खारो इय चिंतंतीए सवत्तीए ।। २४ ।। भणिया हले ! स रावणराया रूवेण विजियतेलोक्को । इय वट्टइ जणवाओ ता लिहसु स केरिसा आसि ।। २५ ।। नियया माणकप्पियपरासओ सव्वहा जणो सव्वो । नीयाण नाऽखलो ना महाणुभावो महंताण ॥ २६॥ इय मग्गमणुसरंतीइ तीइ लिहिरां पयाण पडिबिंबं । उवरि मए न दिट्ठो अओ न जाणे किमागारो ? ।। २७ ।। तं पडिबिंबं संगाविऊण रामस्स दंसिगं तीए । अञ्जवि इमा न तं पर पडिबंधं मुयइ इह पेच्छ ||२८|| सीधा
।१६७ ।।
