________________
।। १२९ ।।
Sओ बुद्धिहाणो गओ निवघरम्मि । जत्थं विवाया वट्टंति बहुविहा भूरिकाला य ।।२०।। तत्थ य दो महिलाओ एगं पुत्तं उवट्ठिया घेत्तुं । भणिओ ताहिं अमन्चो भा सामिय ! सुणसुवर्णाति ॥ २१ ॥
एत्यागयाणमम्हं दूरा देसतराउ पइमरणं । संजायं, दविणमिमं पुत्तो य इमो समत्थित्ति || २२|| ता जीइ एस तो दविर्णपि हु तीइ निच्छयं होइ । लग्गो य बहू कालो अम्हे तुम्हं सरंतीण ||२३|| ता जह अज विवाओ एसो परिच्छिज्ञ्जई तहा कुणसु । पुत्तं धणं च दाऊण भासिगं तो अमच्चैण || २४|| अव्वो ! एस अउव्वो कह छिजिसइ सुहं विवाउत्ति । इय भणिरम्मि अमचे भणिय महामञ्च पुत्ते ||२५|| जइ तुम्हाणमणुन्ना विवायमेयं अहं खु छिदामि । अणुमन्निएण तेणं भणिया महिलाउ ता दोवि ।। २६ ।। एत्थमुवट्ठवह धणं पुत्तं च तओ तहा कए ताहि । उवणीयं करवत्तं धणस्स भागा य दोवि कया ||२७|| पुत्तस्स नाभिदेसे करवत्तं जा दुभागकरणाय । आरोवियं, न अन्नह छिज्जइ एसो विवाउत्ति ||२८|| ता सुयजणणी निक्कित्तिमेण नेहेण लंघिया भणइ । दिजउ पुत्तो वित्तं विमाए मा होउ सुयमरणं ||२९|| नायममच्चएणं जह एस सुओ इमाइ, न इमीए । निग्घाडिया तओ सा पुत्तो य धणं च इयराए ||३०|| एत्तो नीओ नियमंदिरम्मि तो तीइ सो अमवसुओ । दीणाराण सहस्सं कयन्नुत्ते से दिन्नं ।। ३१ ।। पत्ते चउत्थदिवसे रायसुओ निग्गओ नयरमज्झे । भणियं च संति जइ मज्झ रजसंपत्तिपुण्णाई ||३२|| तो उघडंतु बाढं अह तप्पुण्णोदएण तत्थ खणे । तत्पुरराया अनिमित्तमेव जाओ मरणसरणो ||३३|| अप्पुत्तोय, पउत्ता गवेसणा रञ्जजोगपुरिसस्स । नेमित्तिओवरट्ठो ठविओं सो तस्स रज्जम्मि ||३४|| चत्तारिवि तो मिलिया
*****
।। १२९ ।।
