________________
सुसमचरित्रम्।
निअजणयसंतिअंचिय, सुसदुत्ति कयं च से नामं॥ ८३॥ जाओअ जुव्वणत्थो, कमेण इत्थंतरंमि तत्व पुरे। संपत्ता मुणिवसहा, विसुद्धनाणाइगुणकलिआ॥८४॥ ताणंतिमि सुच्चा, अक्खिजंतं जिणाण जिणधम्म। सुसढो भवदुहभीओ, पव्वइओजायसंवेगो॥८५॥छट्ठट्ठमदसमदुवालसाइ-मासद्धमासखमणाई। कुणमाणो भत्तिजुओ, चिट्ठइ सो सुगुरुपासम्मि ।। ८६ ॥ कमसो संजमसिढिलो, गाहिजंतो वि गिन्हइ न सिक्खं । तवचरणमंतरेणं, न मन्नए संजमं किंचि ॥ ८७ ॥ तो गुरुणा सो भणिओ, महुरं जह वच्छ इह भवारने । सुविसुद्धजयणहीणं, तवचरणं होइ नहु सरणं ॥ ८८ ॥ अंधग्गे जह नटुं, न सोहए बहिरकन्नजावं च । तह सव्वजीवसंताण-जयणमुक्कं तवच्चरणं॥ ८९॥ एवं सो भणिओ विहु गुरुवयणं संममपडिवजित्ता। आढत्तो काउं जे तवचरणं जयणपरिहीणं ॥ ९० ॥ पुणरवि गुरुणा भणिओ, एवं जह भद्द दुकरं तुमए । आढत्तं तवचरणं, देवाणवि जणइ.जं चुजं ॥ ९१ ॥ जइ पुण जयणाजुत्तो, आलोयणसलिलधोअकलुसमलो। गुरुआणजुअंथोवंपि कुणसि इह सोम! तवचरणं ॥ ९२॥ तो होसि तुमं नूणं, सुरकिंनरखयरनरमुणीणंपि। सव्वेसिं वंदणिजो, इह लोए तहय परलोए ॥ ९३ ॥ गुरुआणनिरविक्खं, कुणमाणस्सवि तवं तु सच्छंदं । तं सव्वं तुह होही, विहलं खलु कासकुसुमं व ॥ ९४ ॥ इअ विविहहेउजुत्तीहिं पभणिओ सूरिणा तओ सो उ। भणइ मह देहि सोहिं, ता देइ गुरु जहा विहिणा॥ ९५ ॥ तत्तो गुरुवयणेणं, संजमजयणाइसंजुओ संतो-निच्वं
॥३८॥
