________________
श्रीजैन
।।श्री अथ सुसढ़चरित्रम्।
कथासंग्रहः
॥२३॥
रुयमाणी, पयंपिआ लक्खणा इमं बाले । पुरिसक्कारो न हवइ, चक्कीणवि मचुणो उवरि ॥ ८४ ॥ किसलयदलतुल्लाणं, किं पुण अम्हारिसाण जिअलोए । इय नाउं सविवेआ सहति जं एइ सुहमसुहं॥ ८५ ॥ ता धीरत्तं काउं, पुत्ते ! विहवत्तणं दुहनिहाणं । दिव्ववसा संपत्तं, पसंतचित्ता सहसु इन्हेिं ॥८६॥ अच्चेसु जिणे निच्चं, कुणसु तवं देसु दाणमनिआणं। पढसु वेरग्गसुअं, चएसु दुस्सीलसंसगिं॥८॥ धम्मरयाण सईणं, पउत्थवइआण तहय विहवाणं । सोहणसमणीण तहा, सुहावहा जं दिणा जंति ॥ ८८॥ जिणमयकुसलस्स तओ, समप्पिया वुट्टकंचुइस्स इमा। रना तो गिहिधम्मं, लक्खणदेवी कुणइ सम्मं ॥८९॥
अन्नदिणे संपत्तो, नयरे जयभूसणो जिणो तत्थ । ताहे पवयणविहिणा, देवेहि कयं समोसरणं ।। ९० ।। तत्थ निसन्नो धम्म, कहइ पहू देवमणुअपरिसाए । वद्धाविओ निरिंदो, उज्जाणनरेहिं अह गंतुं ॥ ९१ ॥ दाऊण तुट्ठिदाणं, तेसिं सो सयणपरियणसमेओ। सव्विड्डीए पत्तो, जिणनमणत्थं समोसरणे ॥ ९२ ॥ पविसित्तु तत्थ विहिणा, तिपयाहिणपुव्वयं च नमिऊण। जयभूसणं जिणिंद, एवं थोउं ससाढत्तो॥९३॥ असुरसुरविसरकिन्नरनरालिपरिलीढचरणतामरस!। सम्मोहतिमिरसंभार-हरणरवि! जय देव! ॥९४ ॥ जय देव ! विमलगुणगणसिन्धुसमुल्लासरोहिणीरमण!। कमलदलनालकोमल-करकरणतुरङ्गदमकरण!॥ ९५॥ जय करुणारससायर ! संदेहसमूहवल्लिनेमिसम!। तरूणतरतरणिकिरणा-रुणचरणसरोजवरचरण!॥ ९६ ॥ बहुलोभदारुदारुण
॥२३॥
