________________
श्रीजैन कथासंग्रहः
। श्री अथ ३ सुसढचरित्रम्।
॥२०॥
सेसनिवा पभणंति, नियनियट्ठाणेसु संठिया एवं । भो अत्थि कोइ पुरिसो, जो तं आसं अवहरिजा॥५॥ भणियं चारनरेहिं, सो नरपंजरगओ सयाकालं । हरिउं तेण न तीरइ, अह वुत्तं एगपुरिसेण ॥ जइ नवरं मारिज उ, रन्ना भणियं इमं पिता होउ । तत्तो सो तत्थ गओ, न लहइ तुरगस्स अवगासं ॥४६ ॥ तो तेण खुड्डिया कंटएण सरमुहठिएण वरतुरओ। कहमवि विद्धो सो तेण साल्लिउंसुहुमसल्लेण॥४७॥ सो निचं परिहायइ, भुंजतो वि हु पभू य जवसाई। तो रन्ना सो विजस्स, दाइओ तेण भणियमिणं ॥ ४८ ॥ नहु कोइ धाउखोहो, अत्थि हु अव्वत्तसल्लमेयस्स । तो जमगसमगमेसो, उल्लित्तो सुहुमपंकेण ॥ ४९ ॥ सल्लपएसे आसो, उन्हत्तणओ अ पढममुव्वाओ। नाऊण तओ सल्लं, नीणिय आसो कओ सजो॥५०॥ अन्नो पुण जह आसो, अणुद्धियसल्लो न जुज्झपरिहत्थो। तह साहू वि ससल्लो, कम्मजयं काउं असमत्थो॥५१॥ अहवाऽऽकुंचियनामो, ससरक्खो तेण फलनिमित्तं तु। अडविं गएण दिट्ठो, विवन्नमाणो नईतीरे ॥५२॥ सो अप्पिसारिअंपस भक्खिओ तेण तस्स गेलन्नं । जायं विजेण तओ पुट्ठो वि कहेइन नियाणं॥५३॥ भणइ य रिसिणो फलभोअणत्ति तो पाइओ इमेण घयं । गाढायरं गेलनं, संजायं तावसस्स तओ॥५४॥ विजो पुणो वि पुट्ठो, भणइ अ सम्मं कहेइ इन्हेिं पि। कहियं च तेण तत्तो, वमणविरेयणपओगेहिं ॥५५॥ विजेण कओ सजो, एवं जो अवलवेइ नियसल्ले । सो सोहिउँ न तीरइ, गुरुणा वि इमो जहा पढमं ॥५६॥ अविअ-दिन्नमदिन्नो दंडो, हियदुहजणओअदुन्हवग्गाणं।
॥२०॥
