________________
श्रीजैन कथासंग्रहः
,
। श्री अथ सुसढचरित्रम् ।
॥१७॥
नरनाह ! होउ अम्हाणं । तुम्हाण मओ मग्गो, रन्नावि तहेव पडिवनं ॥५॥ रुप्पिनरिंदो तत्तो, विहिणा पठ्वाविउं सपरिवारो। खीरासवलद्धिमया, गुरुणा अणुसासिओ अजहा॥६॥ माणुस्सत्ताइ इमा, सामग्गी दुल्लहा समग्गा वि । पत्ता तुन्भेहिं तओ, अपमाओ इत्थ कायव्वो॥७॥ इच्छामुत्ति भणित्ता, तत्तो गिण्हित्तु दुविहसिक्खं ते। विहरंति गुरूहि समं, रुप्पी पुण साहुणीहिं समं ॥ ८॥ गुरुगुणगुरुणो गुरुणो, तो विहरंता कमेण संपत्ता। सम्मेयसेलसिहरे, अणेगतरुनिअरसंछन्ने॥९॥ गंतूणं जिणभवणे, हरिसवसुल्लसिअबहलरोमंचा । वंदित्तु तित्थनाहे, भत्तीइ थुणंति इअ गुरुणो॥१०॥ बहुभवसंचियपावं, डहिउँ जे इत्थ सिवपयं पत्ता। अजिआइजिणवरिंदे, तेऽहं वंदे तिजयवंदे ॥११॥ दुक्खखयं कम्मखयं, समाहिमरणं च बोहिलाभं च । मह दिंतु विजियमोहा, अजियप्पमुहा जिणवरिंदा॥१२॥ इय नमिउं जिणनाहे, मुणिनाहो पव्वयस्स सिहरम्मि। मुणिजणगणपरियरिओ, लग्गो संलेहणं काउं॥१३॥ अह भणइ रुप्पिसमणी सूरि पणमित्तु सीलसन्नाहं । भयवं ! ममं पि संपइ संलेहणमित्थ कारवसु॥१४॥ भणइ गुरूतं आलोअणाइ, पखालिऊण पावमलं । पुब्बिं तो पडिवजसु, वच्छे ! संलेहणं विहिणा॥१५॥सुद्धे कुडे लिहिअं,जह चित्तं लेहए अरमणीयं। तह निस्सल्लजिआणं, भणिया संलेहणा सुत्ते ॥ १६ ॥ पडिसेवा पडिसेवग-दोस गुणा गुरुगुणाय इह नेया। संमविसोहीई गुणा सम्ममणालोअउ सिक्खा ॥ १७ ॥ तहिं पडिसेवा १ दप्प २ प्यमाय ३ णाभोगसहसकारेय ४। आउर ५ आ
*
॥१७॥
