________________
श्रीजैन
कथासंग्रहः
॥१२॥
किं करेमि इन्हि ? जमहं अत्थाणमंडवत्थो अ । निज्झाइओमि सुइरं सरागदिट्ठीइ एयाए ॥ ४० ॥ अत्थाणत्थो लोओ, किं ही मह उवरि चिंतए एसो। किं वा सुहिणो सयणा, गुरुणो वा इह वसंतस्स ॥ ४१ ॥ अन्नं च मन्निमित्तं धिद्धी, उत्तमकुलप्पसूआ वि । घोरंधयाररूवे, भवकूवे निवडहि एसा ॥ ४२ ॥ ता देसंतरगमणं, संपइ मह जुज्जए धुवं काउं । समए पुण पवज्जं, अणवज्जं संपवज्जिस्सं । ४३ ।। इय चिंतिय मन्नाविय तायं सणे अ तो जिणो नमिउं । चलिओ कुमरो सजण मणसरलं गहियचित्तलयं ॥ ४४ ॥ वच्छंतो संपत्तो, हिरन्नउक्करडियं पुरं तत्थ । चिंतइ इह चिट्ठिस्सं जाव मिलिस्संति वरगुरुणो ॥ ४५ ॥ अन्नं च एस राया, विआरसारुत्ति सुच्चए लोए। तो सेविस्सामि इमं, जड़ नाम इमो वि बुज्झिना ॥ ४६ ॥ इय मंतिऊण तत्तो, निवपासे पणमिओ तओ राया। तेण वि सो नियपासे, ठविओ गुणरंजियमणेण ॥ ४७ ॥ अन्नदिणंमि कुमारो, पुट्ठो रन्ना सगउरखं एवं । कस्सेसा तुम्हकरे, दीसइ नामंकिआ मुद्दा ? ॥ ४८ ॥ को व इत्तियकालं, सामी ते सेविओ जढो कीस ? | कुमरेण तओ भणियं, सामी मे जस्स मुद्देसा ।। ४९ ।। रन्ना भणियं किं तस्स, सद्दकरणंति तो भणइ कुमरो । तस्स न घिप्पड़ नामं, निवस्स नूणं अभुत्तेहिं ॥ ५० ॥ कीसत्ति निवेणुत्ते, चक्खुकुसीलत्ति तो भणइ कुमरो। एसा कहा महंती, जइ चिट्ठिस्सं कहिस्सं तो ॥ ५१ ॥ जं पुण न तस्स घिप्पड़, नाममभुत्तेर्हि कारणं तत्थ । नो तंमि दिणे नरवर ! मिलिज्जए भोअणस्सावि ॥ ५२ ॥ तो विम्हिएण रन्ना,
। श्री अथ सुसढचरित्रम् ।
॥१२॥
