________________
मुंचसु मं, कल्ले उण अवस्सं कहिस्सं, तओ य राया वागरेइ-मुक्खोवि किं करयलचडियं चिंतारयणं मुंचइ ?, तीए वि भणियं एवं कुणमाणस्स तुज्झवि हविस्सइ पच्छातावो, तहवि पुहवीसरो त न मुंचइ, तओ तीए मुलाओ जणणीए दुविलसियं कहतीए संवुत्तो अरुणुगमो, तम्मि समए केसकलावं विलुलियं संठवमाणीए पडिओ मओ नागो, तं पलोइय सा बाला विसायपिसायगहिउव्व झत्ति मुच्छानिमीलियच्छी छिनसाहव्व महिवीढे पडिया, सीयलोवयारेहिं पत्तचेयणा सा भणिया राइणा-पाणेसरि ! केण हेठणा अप्पाणयं विसायसायरे पखिवसि ? तओ सा भणइ-सामिय ! ताउव्व हियकारी एस नागकुमारसुरो जो मज्झसंनिज्झं सया कुणमाणो आसि, तेण य मे पुरओ भणियं हुत्था-जइ मज्झाएसं विणाऽरुणोदयं जाव अन्नत्थ चिट्ठिहिसि, तओ परं मज्झ ते दंसणं न भविस्सइ, केसपासाओ य मयभुयंगो पडिस्सइ, तओ नाह ? तुम्ह अविसज्जियाए महवि. संपयं तं वुत्तं, तओ परं सावि तत्थेव ठिया, तब्भइणिं गोसे तोसेण रहिओ निविडबंधणेहिं बंधिय जाव राया कसाहिं ताडिउं पउत्तो, ताव विनत्तो चलणेसु निवडिऊण सहावसरलाए आरामसोहाए-जइ मह उवरि पसायं, करेसि ता सामि ! मुंच मे भइणिं । करिय दयं हियदइयं, एवं पुव्वं व पिक्खेसु ॥शा रायावि भणइ जइविहु, एयाए देवि ! दुइचित्ताए । ठावणयंपि न जुतं, वयणं तुह तहवि दुलुपं ॥२॥ मोयाविया य तीए, नियपासे ठाविया य भइणित्ति । पच्चक्खं सज्जणदुज्जणाण परिपिच्छह विसेसं ॥३॥ तओ पलयानलं व पज्जलंतेण राइणा नियपुरिसा हक्कारिऊण
8IRICICISITICS
