________________
आरामसोहाकहा।
पणइणीकलिओ पाडलिपुरं पविट्ठो महाविभूईए महाराओ। सावि पुढो पासाए ठाविया, आरामो वि तीए पासायमावरिय समंतओ ठिओ दिव्वाणुभावेण | राया वि परिहरियासेसवावासे तीइ समं भोए भुंजन्तो दोगुंदुगसुरेवि अवमन्नतो निमेसमित्तं व कालमवक्कमइ । इओ आरामसोहार्सवक्किमायाए धूया जाया, कमेण जुब्वणमणुपत्ता, तं तहावत्थं दठ्ठण दुट्ठा तज्जणणी एवं चिंतेइ-जइ केणावि पओएण आरामसोहा मरइ, ता राया तीइ गुणक्खित्तचितो मम पुत्तिमेयं परिणेइ, तओ य मम मणोरहभूरुहो सहलो होइत्ति परिभाविऊण तीए नियदइओ वाहरिओ-नाह ! वच्छाए परिणीयाए बहुकालो वइक्कतो, अओ तीसे कए किंपि भक्खभुज्जाइयं पेसिउं जुज्जइ,
एसावि पिउहरपाहुडेण मणो रंजिज्जइ, तओ भट्टेण भणियं-पिए ! तीए न किंपि ऊणय, परमहमेयं वियाणेमि जं कप्पदुमस्स * बोरकरीराइ फलपेसणं, वेइरागरस्स कायखंडमंडणं, मेरुस्स सिलायलेहिं दिढयरणं, पज्जोयणस्स खंजोयपोयउवमाणकरणमणुचियं
होइ, तहा तीए अम्हाण पाहुडपेसणं, परमेस विसेसो-जं रायलोओ मुहे हत्थं दाऊण उवहसिस्सइ । तओ तीए पावाए संलत्तं-नणं सा नो ऊणा परमम्हाणं निव्वुई होइ, तओ तीए अगह नाऊण माहणेणवि तहत्ति पडिपन्नं, तओ तीए हरिसियमणाए बहुदव्वसंजोएण निम्मिया सिंहकेसरीमोदगा भाविया य महुरयेण, पक्खित्ता य नवकलसे, तम्मुहं मुदिऊण तीए भत्ता विन्नत्तो-मा पंथे कोवि पच्चवाओ होउ, तो तुमं सयं गहिय वच्चसु, तओ वेयझडो बंभणो मिंढसिंगंव कुडिलं तीए मणं अमुणतो तं घडं सिरे करिय जा पत्थिओ
।
* १ सपत्नीमातुः। २ वज्राकरस्स। ३ खद्योतपोत०।
४ मधुरकेण-विषेण ।
