________________
जाई भंते ! उहृपि गेण्हति अधेवि गेण्हति तिरियपि गेण्हति ताई किं आदि गेण्हति मज्झे गेण्हति पज्जवसाणे गेण्हति ?, गो! आदिपि गेण्हति मज्झेवि गेण्हति पज्जवसाणेवि गेण्हति, जाइं भंते ! आदिपि गिण्हति मज्झेवि गेण्हति पज्जवसाणेवि गिण्हति ताई कि सविसए गिण्हति अविसए गिण्हति ?, गो० ! सविसए गेहति नो अविसए गेण्हति, जाई भंते ! सविसए गेण्हति ताई किं आणुपुत्विं गेण्हति अणाणुपुष्व्विं गेहति ?, गो० ! आणुपुत्विं गेण्हति, नो अणाणुपुष्विं गेण्हति, जाई भंते ! आणुपुत्विं गेण्हति ताई किं तिदिसिं गेण्हति जाव छद्दिसिं गेण्हति ?, गो! नियमा छदिसि गेण्हति, "पुट्ठोगाढअणंतर अणू य तह बायरे य उड्डमहे । आदिविसयाणुपुट्विं णियमा तह छदिसिं चेव ॥१॥" (सूत्रं १६८) जीवे णं भंते ! जाई दवाई भासत्ताए गेण्हति ताई किं संतरं गेहति निरंतरं गेहति ?, गो० ! संतरंपि गेण्हति, निरंतरंपि गेण्हति, संतरं गिण्हमाणे जहण्णेणं एग समयं उक्कोसेणं असंखेजसमए अंतरं कट गेण्हति, निरंतरं गेण्हमाणे जहण्णेणं दो समए उक्कोसेणं असंखेजसमए अणुसमयं अविरहियं निरंतरं गेण्हति, जीवे णं भंते ! जाई दवाई भासत्ताए गहियाइं णिसिरह ताई किं संतरं निसरइ निरंतरं निसरइ ?, गो० ? संसरं निसरइ नो निरंतरं निसरइ, संतरं निस्सरमाणे एगेणं समएणं गेण्हति एगेणं समएणं निसरइ, एतेणं गहणनिसरणोवाएणं जहम्मेणं दुसमइयं उक्कोसेणं असंखेजसमइयं अंतोमुहुत्तिगं गहणनिसरणोचायं करेति, जीवे णं भंते ! जाई दवाई भासत्ताए गहियाई णिसिरति ताई किं भिण्णाई णिसरति अभिण्णाई णिसरति ?, गो० भिन्नाइपि निस्सरइ अभिन्नाईपि निस्सरइ, जाई भिन्नाई णिसरति ताई अणंतगुणपरिवुड्डीएणं परिवुड्डमाणाई लोयंत फुसन्ति, जाई अभिण्याई निसरइ ताई असंखेजाओओगाहणवग्गणाओ गंता भेदमावजंति
Education
or
For Personal & Private Use Only
www.janelibrary.org
