Pragnapanopangamsutram Part 01

SR No.: 600240
Original Sutra Author: Malaygiri
Publisher: Agamoday Samiti
Publication Year: 1918
Total Pages: 752
Language: Sanskrit
Classification: Manuscript & agam_pragyapana
File Size: 14 MB

Page 218

प्रज्ञापनायाः मलयवृत्ती.
|२ स्थानपदे सिद्धस्थानादि सू. ५४
॥१०६॥
अभिरुवा पडिरूवा, ईसीपब्भाराए णं पुढवीए सीआए जोयणम्मि लोगंतो तस्स णं जोयणस्स जे से उवरिल्ले गाउए तस्स णं गाउयस्स जे से उवरिल्ले छब्भागे एत्थ णं सिद्धा भगवंतो साइया अपज्जवसिया अणेगजाइजरामरणजोणिसंसारकलंकलीभावपुणब्भवगब्भवासवसहीपवंचसमइक्ता सासयमणागयद्धं कालं चिट्ठति, तत्थवि य ते अवेया अवेयणा निम्ममा असंगा य संसारविप्पमुक्का पएसनिव्वत्तसंठाणा । कहिं पडिहया सिद्धा, कहिं सिद्धा पइट्ठिया । कहिं बोंदि चइत्ता णं, कत्थ गंतूण सिज्झइ ? ॥ १५० ॥ अलोए पडिहया सिद्धा, लोयग्गे य पइडिया । इहं बोदि चइत्ता णं, तत्थ गंतूण सिज्झइ ॥१५१॥ दीहं वा हस्सं वाजं चरिमभवे हविज संठाणं । तत्तो तिभागहीणा सिद्धाणोगाहणा भणिया ॥१५२ ॥ जं संठाणं तु इहं भवं चयंतस्स चरिमसमयंमि । आसी य पदेसघणं तं संठाणं तहिं तस्स ॥१५३॥ तिन्निसया तित्तीसा धणुत्तिभागो य होइ नायबो। एसा खलु सिद्धाणं उक्कोसोगाहणा भणिया ॥१५४॥ चत्तारि य रयणीओ रयणी तिभागूणिया य बोद्धवा। एसा खलु सिद्धाणं मज्झिमओगाहणा भणिया॥१५५॥एगाय होइ रयणी अहेव य अंगुलाई साहि (य) या । एसा खलु सिद्धाणं जहबओगाहणा भणिया ॥१५६॥ ओगाहणाइ सिद्धा भवत्तिभागेण होंति परिहीणा । संठाणमणित्थंथं (ग्रन्था० १५००) जरामरणविप्पमुक्काणं ॥१५७॥ जत्थ य एगो सिद्धो तत्थ अणंता भवक्खयविमुक्का । अन्नोऽन्नसमोगाढा पुट्ठा सवेवि लोगते ॥१५८॥ फुसइ अणंते सिद्धे सबपएसेहिं नियमसो सिद्धा । तेऽवि य असंखिज्जगुणा देसपएसेहिं जे पुट्ठा ॥१५९॥ असरीरा जीवघणा उवउत्ता दंसणे य नाणे य । सागारमणागारं लक्खणमेयं तु सिद्धाणं ॥१६०॥ केवलनाणुवउत्ता जाणंता सव्वभावगुणभावे । पासंता सबओ खलु केवल दिहीहिष्णंताहि ॥ १६१॥ नवि अस्थि माणुसाणं तं सुक्खं नविय सबदेवाणं । जं सिद्धाणं
६॥