________________
प्रज्ञापनाया: मलय०वृत्ती.
| २ स्थानपदे ज्योतिष्कस्थानंसू.५०
॥९८॥
तिरियमसंखेजे जोइसविसए एत्थ णं जोइसियाणं देवाणं तिरियमसंखेजा जोइसियविमाणावाससयसहस्सा भवन्तीतिमक्खायं, ते णं विमाणा अद्धकविगसंठाणसंठिया सवफालिहमया अब्भुग्गयमूसियपहसिया इव विविहमणिकणगरयणभत्तिचित्ता वाउद्धृयविजयवेजयंतीपडागाछत्ताइछत्तकलिया तुंगा गगणतलमहिलंघमाणसिहरा जालंतररयणपंजलुम्मिलियत्व मणिकणगथूभियागा वियसियसयवत्तपुंडरीया तिलयरयणड्डचंदचित्ता नाणामणिमयदामालंकिया अंतो बहिं च सण्हा तवणिजरुइलवालुयापत्थडा सुहफासा सस्सिरिया सुरूवा पासाइया दरिसणिज्जा अभिरूवा पडिरूवा एत्थ णं जोइसियाणं देवाणं पज्जत्तापञ्जत्ताणं ठाणा पन्नत्ता तिसुवि लोगस्स असंखेजइभागे । तत्थ णं बहवे जोइसिया देवा परिवसंति, तंजहाबहस्सई चंदा सूरा सुक्का सणिच्छरा राहू धूमकेऊ बुधा अंगारगा तत्ततवणिज्जकणगवना जे य गहा जोइसम्मि चारं चरंति केऊ य गइरइया अठ्ठावीसइविहा नक्खत्तदेवतगणा णाणासंठाणसंठियाओ पंचवन्नाओ तारयाओं ठियलेसाचारिणो अविस्साममंडलगई पत्तेयनामंकपागडियचिंधमउडा महिहिया जाव पभासेमाणा, ते णं तत्थ साणं साणं विमाणावाससयसहस्साणं साणं साणं सामाणियसाहस्सीणं साणं साणं अग्गमहिसीणं सपरिवाराणं साणं साणं परिसाणं साणं साणं अणियाणं साणं साणं अणियाहिबईणं साणं साणं आयरक्खदेवसाहस्सीणं अन्नेसिं च यहूर्ण जोइसियाणं देवाणं देवीण य आहेवच्चं जाव विहरति । चंदिमसूरिया इत्थ दुवे जोइसिंदा जोइसियरायाणो परिवसंति, महिड्डिया जाव पभासेमाणा, ते णं तत्थ साणं साणं जोइसियविमाणावाससयसहस्साणं चउण्हं सामाणियसाहस्सीणं चउण्हं अग्गमहिसीणं सपरिवाराणं
Jain Education International
For Personal & Private Use Only
www.jainelibrary.org
