________________
प्रज्ञापनाया: मलय. वृत्ती .
२ स्थान| पदे वायुवनस्पति स्थानं सू.४०
बादरवाउकाइयाणं पजत्तगाणं ठाणा तत्थेव बादरवाउकाइयाणं अपजत्तगाणं ठाणा 4०, उववाएणं सवलोए समुग्धारण सबलोए, सहाणेणं लोयस्स असंखेजेसु भागेसु । कहि णं भंते! सुहुमवाउकाइयाणं पज्जत्तगाणं अपजत्तगाणं ठाणा प०१, गोयमा! सुहुमवाउकाइया जे पज्जत्तगा जे य अपञ्जत्तगा ते सव्वे एगविहा अविसेसा अणाणत्ता सवलोयपरियावनगा प० समणाउसो।। कहि ण भंते ! बादरवणस्सइकाइयाणं पजत्तगाणं ठाणा प० १, गोयमा! सहाणेणं सत्तसु घणोदहिसु सत्तसु घणोदहिवलयेसु अहोलोए पायालेसु भवणेसु भवणपत्थडेसु, उड्डलोए कप्पेतु विमाणेसु विमाणावलियासु विमाणपत्थडेसु, तिरियलोए अगडेसु तडागेसु नदीसु दहेसु वावीसु पुक्खरिणीसु दीहियासु गुंजालियासु सरेसु सरपंतियासु सरसरपंतियासु बिलेसु बिलपंतियासु उज्झरेसु निज्झरेसु चिल्ललेसु पल्ललेसु वप्पिणेसु दीवेसु समुद्देसुं सत्वेसु चेव जलासएसु जलठाणेसु, एत्थ णं बादरवणस्सइकाइयाणं पज्जत्तगाणं ठाणा प०, उववाएणं सबलोए समुग्धाएणं सबलोए सहाणेणं लोयस्स असंखेजइभागे । कहि णं भंते ! बादरवणस्सइकाइयाणं अपजत्तगाणं ठाणा प०१, गोयमा ! जत्थेष बादरवणस्सइकाइयाणं पञ्जत्तगाणं ठाणा तत्थेव मादरषगस्सइकाइयाणं अपज्जतगाण ठाणा प०, उपवाणं सबलोए समुग्धाएणं सबलोए सहाणेणं लोयस्स असंखेजइमाणे । कहि णं भंते ! सुहुमवणस्सइकाइयाणं पजत्तगाणं अपजत्तगाण य ठाणा प०१, गोयमा ! सुहुमवणस्सइकाइया जे य पञ्जत्तगा जे य अपज्जत्तगा ते सवे एगविहा अपिसेसा अणाणता सबलोयपरियावनगा प० समणाउसो!॥ (मू०४०)
Jain Education International
For Personal & Private Use Only
www.jainelibrary.org
