________________
सूर्याभ
श्रीराजप्रश्नी मलयगिरीया वृत्तिः
निर्गमः
म्०१६
॥४०॥
तयणतरं च णं पुण्णकलसभिंगार दिवा य छत्तपडागा सचामरा दंसणरतिया आलोयदरिसणिजा वाउद्भुयविजयवेजयंतीपडागा ऊसिया गगणतलमणुलिहंती पुरतो अहाणुपुब्बीए संपत्थिया । तयणंतरं च णं वेरुलियभिसंतविमलदंडं पलंबकोरंटमल्लदामोवसोभितं चंदमंडलनिभं समुस्सियं विमलमायवत्तं पवरसीहासणं च मणिरयणभत्तिचित्तं सपायपीढं सपाउयाजोयसमाउत्तं बहुकिंकरामरपरिग्गाहयं पुरतो अहाणुपुब्बीए संपत्थियं । तयाणंतरं च णं वइरामयवट्टलट्ठसंठियसुसिलिट्ठपरिघट्ठमट्ठसुपतिट्ठिए विसिढे अणेगवरपंचवण्णकुडभीसहस्सुस्सिए [ परिमंडियाभिरामे ] वाउडुयविजयवेजयंतीपडागच्छत्तातिच्छत्तकलिते तुंगे गगणतलमणुलिहंतसिहरे जोअणसहस्समूसिए महतिमहालए महिंदज्झए पुरतो अहाणुपुवीए संपत्थिए । तयाणंतरं च णं सुरूवणेवत्थपरिकच्छिया सुसज्जा सवालंकारभूसिया महया भडचडगहपहगरेणं पंचअणीयाहिवईणो पुरतो अहाणुपुबीए संपत्थिया । [ तयाणंतरं च णं बहवे आभिआंगिया देवा देवीओ य सएहिं २ रूवेहिं साहिं २ विसेसेहिं सएहिं २ विंदेहिं सपहिं २ णेज्जाएहिं सएहिं २ णेवत्थेहिं पुरतो अहाणुपुवीए संपत्थिया ] तयाणंतरं च णं सूरियाभविमाणवासिणो बहवे वेमाणिया देवा य देवीओ य सबिडीए जाव रूवेणं सुरियाभं देवं पुरतो पासतो य मग्गतो य समणुगच्छति ॥ सू० १६॥
॥४०॥
Jain Education
For Personal & Private Use Only
Dainelibrary.org
