________________
गिहवासं परिच्चज्जा, पव्वजामस्सिए मुणी । इमे संगे वियाणिज्जा, जेहि सर्जति माणवा ॥२॥ तहेव हिंसं अलियं, चोज्जं अब्बंभसेवणं । इच्छाकामं च लोभं च, संजओ परिवजए ॥॥मणोहरं चित्तघरं, मल्लधूवणवासियं । सकवाडं पंडरूल्लोयं, मणसावि न पत्थए॥४॥इंदियाणि उ भिक्खुस्स, तारिसंमि उवस्सए । दुक्कराइंतु धारे] निवारेठ, कामरागविवड्हणे ॥५॥ सुसाणे सुन्नगारे वा, रुक्खमूले व इक्कओ। पहरिके परकडे वा, वासं तत्थऽभिरोयए ॥६॥ फासुयंमि अणाबाहे, इत्थीहिं अणभिहुए । तत्थ संकप्पए वासं, भिक्खू परमसंजए॥७॥न सयं गिहाई कुग्विजा, नेव अन्नेहिं कारए। गिहकम्मसमारंभे, भूयाणं दिस्सए वहो॥८॥ तसाणं थावराणं च, सुहुमाणं बायराण य । तम्हा गिहसमारंभ, संजओ परिवजए ॥९॥ तहेव भत्तपाणेसु, पयणे पयावणेसु य । पाणभूयदयट्ठाए, न पए ण पयावए ॥ १० ॥ जलधन्ननिस्सिया जीवा, पुढवीकट्ठनिस्सिया । हम्मंति भत्तपाणेसु, तम्हा भिक्खू न पयावए ॥ ११॥ विसप्पे सव्वओ धारे, बहुपाणविणासणे । नत्थि जोइसमे सत्थे, तम्हा.जोई न दीवए॥१२॥ हिरणं च जायरूवं च, मणसावि न पत्थए । समलिजुकंचणे भिक्खू, विरए कयविक्कए ॥ १३ ॥ किणंतो कइओ होइ, विकिणतो अ वाणिओ। कयविकमि वटुंतो, भिक्खू हवइ तारिसो॥१४॥ भिक्खियब्वं न केयव्वं, भिक्खुणा भिक्खवित्तिणा । कयविकओ महादोसो, भिक्खावित्ती सुहावहा॥१५॥ समुयाणं उंछमेसिज्जा, जहामुत्तमणिदियं । लाभालाभंमि संतुढे, पिंडवायं चरे मुणी ॥ १६ ॥ अलोलो न रसे गिडो, जिन्भादंतो अमुच्छिओ।न रसट्ठाए भुजिज्जा,
Jain Education International
For Personal & Private Use Only
www.jainelibrary.org
