________________
उत्तराध्य.
बृहद्वृत्तिः
॥४५५॥
सव्वभूएसुं, सत्तुमित्तेसु वा जगे । पाणाइवायविरई, जावज्जीवाय दुक्करं ।। २५ ।। निच्चकालऽप्पमत्तेणं, मुसावायविवज्जणं । भासियव्वं हियं सचं, निच्चाउन्तेण दुक्करं ॥ २६ ॥ दंतसोहणमाइस्स, अदत्तस्स विवज्जणं । अणवज्जेसणिज्जस्स, गिण्हणा अवि दुक्करं ||२७|| विरई अवंभचेरस्स, कामभोगरसन्नुणा । उग्गं महव्वयं बंभं, धारेयव्वं सुदुक्करं ||२८|| धणधन्नपेसवग्गेसु, परिग्गहविवज्जणं । सव्वारंभपरिचागो, निम्ममत्तं सुदुक्करं ॥२९॥ चविहेऽवि आहारे, राई भोयणवज्रणा । संनिहीसंचओ चेव, वजेयन्वो सुदुक्करं ॥ ३० ॥ छुहा तन्हा य सीउन्हं, दंसमसगा य वेयणा । अक्कोसा दुक्खसिज्जा य, तणफासा जल्लमेव य ॥ ३१ ॥ तालणा तज्जणा | चेव, वहबंधपरीसहा । दुक्खं भिक्खायरिया, जायणा य अलाभया ॥ ३२ ॥ कावोया जा इमा वित्ती, केसलोओ अ दारुणो । दुक्खं बंभव्वयं घोरं, धारेउ अमहप्पणो ॥ ३३ ॥ सुहोइओ तुमं पुत्ता !, सुकुमालो सुमजिओ । न हुसी पभू तुमं पुत्ता !, सामन्नमणुपालिया ॥ ३४ ॥ जावज्जीवमविस्सामो, गुणाणं तु महन्भरो । गरुओ लोह भारु व्व, , जो पुत्ता ! होइ दुव्वहो || ३५ || आगासे गंगसोउ व्व, पडिसोउव्व दुत्तरो । बाहाहिं | सागरो चेव, तरियव्वो य गुणोयही ॥ ३६॥ वालुयाकवले चेव, निरस्साए उ संजमे । असिधारागमणं चेव, दुक्करं | चरिउं तवो ॥ ३७ ॥ अहीवेगंतदिट्ठीए, चरित्ते पुत्त ! दुच्चरे । जवा लोहमया चेव, चावेयव्वा सुदुक्करं ॥ ३८ ॥ जहा अग्गिसिहा दित्ता पाउँ होइ सुदुकरं । तह दुक्करं करे जे, तारुण्णे समणत्तणं ॥ ३९ ॥ जहा दुक्खं
Jain Education International
For Personal & Private Use Only
मृगापुत्री
या० १९
॥४५५॥
wwww.jainelibrary.org
