________________
धणधन्नपमाणाइक्कमे कुवियपमाणाइलमे ५। तयाणन्तरं च णं दिसिवयस्स पञ्च अइयारा जाणियच्वा न समायरियव्वा, तंजहा-उदिसिपमाणाइक्कमे अहोदिसिपमाणाइक्कमे तिरियदिसिपमाणाइक्कमे खेत्तवुड्डी सइअन्तरद्धा ६। तयाणन्तरं च णं उपभोगपरिभोगे दुविहे पण्णत्ते, तंजहा-भोयणओ य कम्मओय, तत्थ णं भोयणओ समणोवासएणं .. पञ्च अइयारा जाणियन्वा न समायरियव्वा, तंजहा-सचित्ताहारे सचित्तपडिबद्धाहारे अप्पउलिओसहिभक्खणया । दुप्पउलिओसहिमक्खणया तुच्छोसहिभक्खणया, कम्मओ णं समणोवासएणं पणरस कम्मादाणाई जाणियब्वाई।
न समायरियव्वाइं, तंजहा-इङ्गालकम्मे वणकम्मे साडीकम्मे भाडीकम्मे फोडीकम्मे दन्तवाणिज्जे लक्खवाणिजे । कारसवाणिजे विसवाणिज्जे केसवाणिजे जन्तपीलणकम्मे निल्लञ्छणकम्मे दवग्गिदावणया सरदहतलावसोसणया ||
असईजणपोसणया ७ । तयाणन्तरं च णं अणट्ठादण्डवेरमणस्स समणोवासएणं पञ्च अइयारा जाणियब्वा नं. समायरियव्वा, तंजहा-कन्दप्पे कुक्कुइए मोहरिए सञ्जुत्ताहिगरणे उवभोगपरिभोगाइरिते ८। तयाणन्तरं च णं सामाइयस्स समणोवासएणं पञ्च अइयारा जाणियब्वा न समायरियव्वा, तंजहा-मणदुप्पणिहाणे वयदुप्पणिहाणे कायदुप्पणिहाणे सामाइयस्स सइअकरणया सामाइयस्स अणवट्ठियस्स करणया ९ । तयाणन्तरं च णं देसावगा|सियस्स समणोवासएणं पञ्च अइयारा जाणियव्वा न समायरियव्वा, तंजहा-आणवणप्पओगे पेसवणप्पओगे सद्दाणुवाए रूवाणुवाए बहिया पोग्गलपक्खेवे १० । तयाणन्तरं च णं पोसहोववासस्स समणोवासएणं पञ्च
3333330
jain Education
na
For Personal & Private Use Only
PRAMjainelibrary.org
